Matthieu 7:16 - Mbeti ti Nzapa - Tënë so amu fini

¹⁶ Ala yeke hinga ande azo ni so na lege ti sarango ye ti ala. Zo ayeke ko ale ti *vinye na tere ti akamba ti ki pepe, wala zo ayeke ko nga afige na tere ti akeke ti ki pepe.

Matthieu 7:16 Referans Kwoze

Jacques 3:12

A-ita ti mbi, keke ti fige alingbi ti le olive pepe, wala keke ti *vinye alingbi ti le fige pepe. Tongaso nga, nzoni ngu alingbi ti sigigi na ya ti li ti ngu ti ingo pepe.

Matthieu 12:33

“Tongana mbeni keke ayeke nzoni, fade lengo ni ayeke nzoni. Tongana keke ni abuba, fade lengo ni nga abuba. Biani, a yeke hinga keke gi na lege ti alengo ti lo.

Matthieu 7:20

Tongaso, ala yeke hinga ande awayanga-Nzapa ti mvene na lege ti asarango ye ti ala.”

1 Samuel 24:13

Ayeke nzoni KOTA GBIA afâ ngbanga na popo ti mbi na mo. Ayeke nzoni KOTA GBIA akiri peko ti sioni na mo ndali ti sioni so mo sara na mbi so. Me fade maboko ti mbi ayeke ndu mo pepe.

Amato 20:11

Alingbi ti hinga atene, lege ti dutingo ti mbeni maseka ayeke nzoni si ayeke mbirimbiri gi na lege ti sarango ye ti lo.

Galasii 5:22

Me ye so Yingo ti Nzapa ayeke du ayeke so: ndoye, ngia, siriri, kangango be, nzoni be, sarango nzoni na azo, mabe,

Jacques 2:18

Me fade mbeni zo ayeke tene: “Ti mo, mo yeke na mabe, ti mbi, mbi yeke sara akua!” Tongaso, mbi yeke kiri tënë na lo, mbi tene: “Fa na mbi lege so mabe ti mo alingbi ti duti daa, me mo yeke sara akua ni pepe so. Ti mbi, fade mbi yeke fa na mo mabe ti mbi na lege ti akua so mbi yeke sara.”