Matthieu 7:13 - Mbeti ti Nzapa - Tënë so amu fini

¹³ “Ala li na kete yanga ti da! Biani, zo so ali na kota yanga ti da, andaa lo mu lege ti kuâ. Lege ti kuâ ayeke kota si azo mingi ayeke mu ni.

Matthieu 7:13 Referans Kwoze

Amato 16:25

Mbeni zo alingbi ti baa atene, lege ti sarango ye ti ni ayeke mbirimbiri, andaa lege ni ayeke gue na kuâ.

Jean 14:6

Jésus akiri tënë na lo: “Mbi yeke lege ni, taa-tënë na fini. Zo oko alingbi ti gue na Babâ na mbeni lege nde pepe, gi na lege ti mbi.

Jean 10:9

Mbi yeke yanga ti gbagba ni. Zo so ali na lege ti mbi, fade lo yeke soo kuâ; lo yeke li, lo yeke sigigi si lo yeke wara kobe ti tengo ni.

Ésaïe 55:7

Alingbi zo ti sioni azia lege ti sioni ti lo; zo ti sarango sioni azia asioni tënë ti be ti lo. Ayeke nzoni ala kiri na KOTA GBIA si fade lo baa mawa ti ala. Ayeke nzoni lo kiri na Nzapa ti e si lo zi tënë na li ti ala biani biani.

Amato 9:6

Ala zia lege ti azo so le ti ala ahan pepe so si fade ala duti na fini! Ala mu lege so ala lingbi ti wara hingango ye daa!”

Galasii 5:24

Azo ti Christ akanga na ndö ti keke ti kroa awe asioni nzara ti be ti ala so ayeke pusu ala ti sara aye kirikiri.

Matthieu 3:2

lo tene: “Ala zia ngbene lege ti sarango ye ti ala, ngbanga ti so *Kodro-gbia ti yayu aga nduru awe!”

Matthieu 3:8

Ala sara ye so afa atene, ala zia ngbene lege ti sarango ye ti ala awe!

2 Korente 6:17

Ndani laa *Kota Gbia Nzapa atene: “Ala sigigi na popo ti azo ni, ala duti yongoro! Ala ndu mbeni ye ti *sioni oko pepe, tongaso, fade mbi yeke yamba ala.”

Matthieu 23:13

“Mawa na ala, awafango-ndia, ala na *afarizien! Tënë ti yanga ti ala ayeke nde na sarango ye ti ala! Ala kanga lege ti *Kodro-gbia ti yayu na azo. Ala wani aye ti li na ya ti Kodro-gbia ti yayu ni pepe, me ala yeke kanga lege ni na azo so aye ti li daa. [

Aye so Nzapa afa 20:15

Tongana a wara iri ti mbeni zo na ya ti mbeti ni pepe, so ti tene mbeti so a su iri ti azo so ayeke na taa fini daa, a yeke bi lo na le ti kota wâ ni.

Filipe 3:19

Lege ti kuâ laa ala yeke gue daa so. Nzapa ti ala ayeke gi ya ti ala, ye so ayeke zia kamene na le ti azo ni so, ala yeke wara ti ala gonda daa. Ala zia be ti ala kue gi na ndö ti aye ti dunia so.

2 Korente 4:4

azo so ake ti ma na be. Sioni nzapa ti sese so akanga lege ti hingango ndo ti ala titene ala baa zango ti Nzoni Tënë pepe. Andaa Nzoni Tënë ni ayeke fa gonda ti Christ, lo so lo yeke limo ti Nzapa.

Awatokua 3:19

Tongaso, ala zia ngbene lege ti sarango ye ti ala, ala kiri na lege ti Nzapa, tongaso si lo zi siokpari ti ala.

Aye so Nzapa afa 20:3

Ange ni abi lo na ya ti kota du ni, lo kanga yanga ni si lo kpo *nzoroko na yanga ni titene nyama ni akiri awara lege ti handa amara pepe, ngbii ngu saki oko ni ahunzi si. Na pekoni, alingbi a zi lo ndali ti mbeni kete ngoi.

1 Jean 5:19

E hinga so, e yeke azo ti Nzapa, me dunia kue ayeke na gbe ti komandema ti Sioni wato.

Matthieu 25:46

Fade asioni zo so ayeke gue na ngbanga so angba lakue lakue si azo ti mbirimbiri ayeke gue ti duti na fini so angba lakue lakue.”

Matthieu 25:41

“Na pekoni, fade Gbia ni ayeke tene na azo so ayeke na mbage ti maboko ti lo ti wali: ‘Ala hon yongoro na tere ti mbi, ala so Nzapa adeba ala awe so! Ala gue na ya ti kota wâ so ayeke gbi lakue lakue, so a leke ni ndali ti Zabolo na *a-ange ti lo.

Tongo nda ti aye 6:12

Nzapa abaa ndo na ndö ti sese; lo baa so sese ni abuba awe, ngbanga ti so azo kue abuba lege ti dutingo ti ala na ndö ti sese ni awe.

Aye so Nzapa afa 13:8

Fade azo ti ndö ti sese kue ayeke voro nyama ni. Azo so ayeke voro lo ayeke azo so, ngbene ye so dunia abaa gigi, iri ti ala ayeke na ya ti mbeti pepe, mbeti so a su iri ti azo so ayeke na taa fini daa, mbeti ti Molenge ti Taba so a fâ lo so.

Rome 9:22

Nzapa aye ti fa ngonzo ti lo na azo si lo ye ti sara si ala hinga ngangu ti lo. Andaa azo so lo sara ngonzo na tere ti ala si ala yeke nduru titene lo fâ ngbanga ti kuâ na li ti ala, lo kanga be ti lo mingi na ala,

Nzoni Tënë so Luc asu na mbeti 14:33

Legeoko tongaso, na popo ti ala, zo so azia aye ti lo kue pepe, lo lingbi ti duti disiple ti mbi pepe.”

Ésaïe 1:9

Tongana KOTA GBIA so ayeke na ndö ti dunia kue abata fade ambeni zo oko oko na ya ti kodro ni pepe, ka e ga tongana Sodome, ka e kpa Gomore.

Aye so Nzapa afa 12:9

A bi sioni nyama ni na gigi. Lo yeke ngbene ngbo so azo airi lo atene, Zabolo wala Satan, wala zo ti handango azo ti dunia kue. A bi lo na ndö ti sese, lo na a-ange ti lo.

Tongo nda ti aye 6:5

KOTA GBIA abaa so sioni ti zo ahon ndoni na ndö ti sese. Ti londo na ndaperere ngbii asi na lakui, be ti lo aye gi ti sara sioni.

Nzoni Tënë so Luc asu na mbeti 9:33

So akoli use so alondo na tere ti Jésus ti hon, Pierre atene na lo: “Wafango ye, ayeke nzoni e ngba na ndo so. E leke agbefa ota: oko ti mo, oko ti Moïse, oko ti Élie.” Me lo hinga nda ti tënë so lo yeke tene so pepe.

Amato 7:27

Guengo na da ti lo ayeke mungo lege ti gue na ndo ti akuâ, ayeke lingo na ndo ti akuâ.

Ésaïe 35:8

Na ndo so, a yeke suru mbeni lege so a di iri ni “Lege so a zia nde”. Zo ti *sioni oko alingbi ti hon daa pepe, a yeke bata ni ndali ti azo ti KOTA GBIA titene ala tambula daa. Azo ti buba ayeke girisa lege na ndo so pepe.

Matthieu 7:14

Yanga ti da so zo alingbi ti li daa si lo ngba na fini ayeke kete, lege ni ayeke kete; azo ti warango lege ni so ayeke mingi pepe.”