Matthieu 6:21 - Mbeti ti Nzapa - Tënë so amu fini

²¹ ngbanga ti so ndo so mosoro ti mo ayeke daa, be ti mo ayeke nga daa.”

Matthieu 6:21 Referans Kwoze

2 Korente 4:18

Ye so le ti zo ayeke baa, ni laa e yeke gi pepe, me e yeke gi ye so le ti zo ayeke baa ni pepe. Ye so le ti zo ayeke baa ayeke gi ndali ti kete ngoi, me ye so le ti zo ayeke baa pepe, ni laa ayeke ngba lakue lakue.

Nzoni Tënë so Luc asu na mbeti 12:34

Ndo so mosoro ti ala ayeke daa, be ti ala nga ayeke daa.”

Amato 4:23

Mo sara hange na atënë so ayeke na be ti mo kâ, ngbanga ti so lege ti fini ti mo alondo daa.

Ésaïe 33:6

Ti ala azo ti KOTA GBIA, na ya ti fini ti ala, mbeni ye ti sioni alingbi ti si na ala pepe. Dutingo na ndara na hingango Nzapa ayeke nzoni ye so ayeke soo ala; kpengo mbeto ti KOTA GBIA, so mosoro ti ala laa!

Ahebro 3:12

A-ita, le ti ala akpengba! Mbeni zo oko na popo ti ala asara sioni be wala adekite pepe, tongaso si lo zia lege ti Nzapa pepe, lo so lo yeke na fini.

Jérémie 4:14

“Jérusalem, tongana mo ye titene a soo mo, ayeke nzoni mo *sukula sioni na be ti mo. Sioni tënë ayeke ngba ande na be ti mo ngbii asi lawa?

Matthieu 12:34

Ala asioni mara ti ngbo! Ala yeke tene anzoni tënë ngbanga ti nyen, so ala wani ayeke asioni zo so? Ye so asi singo na be ti zo laa ayeke sigigi na lege ti tënë ti yanga ti lo.

Awatokua 8:21

Kua so e yeke sara ge so, mbeni ye ti mo oko wala tënë ti mo ayeke daa pepe, ngbanga ti so be ti mo ayeke mbirimbiri na le ti Nzapa pepe.

Jérémie 22:17

Me ti mo, mo yeke gi gi nzoni ti mo wani; nilaa azo so tënë ayeke na li ti ala pepe, mo ye gi ti tuku mene ti ala senge senge; mo ye gi ti sara ngangu na azo, ti sara ala na ngangu, na ngangu.”

Philémon 1:3

Ayeke nzoni Nzapa Babâ na *Kota Gbia Jésus Christ asara nzoni be na ala si amu na ala siriri!

Philémon 1:19

Mbi Paul laa mbi yeke su tënë so na maboko ti mbi wani: fade mbi yeke futa yongo ni na mo. – Mbi ye ti dabe ti mo na ndö ti mbeni ye: yongo ti mbi ayeke na li ti mo, yongo ni ayeke fini ti mo wani. –

Matthieu 6:22

“Le ti zo ayeke tongana lamba ti tere ti lo. Tongaso, tongana le ti mo ayeke nzoni, tere ti mo kue ayeke na ya ti vurungo ndo.