Matthieu 5:6 - Mbeti ti Nzapa - Tënë so amu fini

⁶ Ti ala nzoni, ala so nzara ti sarango ye ti mbirimbiri ayeke sara ala tongana ti so nzara ti kobe na ti ngu ayeke sara zo, ngbanga ti so Nzapa ayeke mu ande na ala ye so be ti ala aye!

Matthieu 5:6 Referans Kwoze

Jean 4:14

me zo so ayeke nyon ande ngu so mbi yeke mu na lo, nzara ti ngu ayeke kiri ti sara lo pepe. Ngu so mbi yeke mu na lo ayeke ga li ti ngu so fini so angba lakue lakue ayeke sigigi daa.”

Abia (Psaumes) 107:9

Biani, lo mu ngu na azo so go ti ala ahole, lo mu gba ti kobe na azo so ayeke kui na nzara.

Jean 6:27

Ayeke nzoni ala sara kua ndali ti kobe so ayeke buba pepe, me ndali ti kobe so ayeke ngba si ayeke mu na zo fini so angba lakue lakue. *Molenge ti Zo laa ayeke mu ande na ala kobe ni so, ngbanga ti so Babâ, lo so lo yeke Nzapa wani laa amu na lo ngangu ni.”

Abia (Psaumes) 145:19

Azo so akpe mbeto ti lo, lo yeke mu na ala ye so be ti ala aye; lo yeke ma toto ti ala si lo yeke soo ala.

Jean 7:37

Tanga ti lango ti matanga ni ayeke mbeni kota lango mingi. Jésus aluti na nduzu si lo tene tënë na kota go, lo tene: “Tongana nzara ti ngu asara mbeni zo, ayeke nzoni lo ga na mbi, lo nyon ngu.

Aye so Nzapa afa 7:16

Fade nzara ti kobe wala nzara ti ngu ayeke kiri ti sara ala pepe; sungo ti lâ na ndo-wâ ayeke kiri ti zö ala pepe,

Nzoni Tënë so Luc asu na mbeti 6:21

Ti ala nzoni, ala so nzara ayeke sara ala fadeso, ngbanga ti so fade ya ti ala ayeke si! Ti ala nzoni, ala so ayeke toto fadeso, ngbanga ti so fade ala yeke he ngia!

Ésaïe 44:3

Biani, fade mbi yeke tuku ngu na ndö ti sese so ayeke na nzara ti ngu, mbi yeke sara titene akete ngu asua na ndö ti holengo sese. Mbi yeke tokua yingo ti mbi na ndö ti amolenge ti mo si mbi yeke sara tufa na ndö ti *ahale ti mo.

Nzoni Tënë so Luc asu na mbeti 1:53

Lo mu anzoni ye mingi na azo so nzara asara ala si lo tumba azo ti mosoro, maboko ti ala senge.

Ésaïe 65:13

Ndani laa, tënë so mbi, Kota Gbia NZAPA, mbi tene ayeke so: Fade azo ti kua ti mbi ayeke te kobe, me ti ala, ala yeke duti na nzara. Azo ti kua ti mbi ayeke na ngu ti nyongo ni, me ti ala, nzara ti ngu ayeke sara ala. Azo ti kua ti mbi ayeke duti na ngia, me ti ala, kamene ayeke sara ala.

Abia (Psaumes) 65:4

Nengo ti asioni ti mbi ahon ndö ti mbi awe; me mo laa mo yeke zi asiokpari ti e na li ti e.

Ésaïe 25:6

Na ndö ti hoto ti *Sion, *KOTA GBIA so ayeke na ndö ti dunia kue ayeke leke matanga ndali ti azo kue, matanga ti nyama ti mafuta na ti vin ti nzoni ni, ti nyama ti mafuta so awoko pendere na vin so ayeke nzoni mingi.

Abia (Psaumes) 84:2

*KOTA GBIA, mo so mo yeke na ndö ti dunia kue, mbi ye tënë ti da ti mo mingi!

Nzoni Tënë so Luc asu na mbeti 6:25

Mawa na ala, ala so ya ti ala asi fadeso, ngbanga ti so fade nzara ayeke sara ala! Mawa na ala, ala so ayeke he ngia fadeso, ngbanga ti so fade ye ti vundu ayeke si na ala si ala yeke toto!

Ésaïe 41:17

Azo ti mawa na awayere ayeke gi ngu, me ala wara ni pepe. Nzara ti ngu ahole menga ti ala. Me mbi *KOTA GBIA, mbi yeke kiri tënë na ala; mbi Nzapa ti Israel, mbi yeke zia ala pepe.

Abia (Psaumes) 63:5

Na lango ti fini ti mbi kue, fade mbi yeke mu singila na mo, mbi yeke yoro maboko na nduzu ti gonda iri ti mo.

Abia (Psaumes) 17:15

Ti mbi, fade mbi yeke baa le ti mo, ngbanga ti so mbi yeke mbirimbiri. Tongana mbi zingo na lango, mbi yeke baa le ti mo, mbi yeke baa ni ngbii be ti mbi ade.

B. ti abia 5:1

Ita ti mbi ti wali, mo so mo yeke ga wali ti mbi so, mbi yeke li na yaka ti mbi, mbi yeke ko *mire ti mbi nga na yombo ti mbi, mbi yeke te da ti wotoro ti mbi, mbi yeke su mafuta ti wotoro ti mbi; mbi yeke nyon vin ti mbi, na ngu ti me ti mbi. A-ita, ala te ye, ala nyon ye, ala sule ndali ti yengo tere.

Ésaïe 66:11

Tongaso, fade lo yeke mu na ala ye so ayeke de be ti ala. Ala yeke duti tongana kete molenge so anyon me ti mama ti lo, ya ti lo asi, tongana kete molenge so agboto ngu ti me ti mama ti lo na ngia.

Amato 10:24

Ye so zo ti sioni asara mbeto ni, ni laa ayeke si na lo; me ye so azo ti mbirimbiri aye, a yeke mu ni na ala.

Amato 21:21

Zo so ayeke gi lege ti sara ye ti mbirimbiri nga na nzoni be, fade gigi ti lo ague, ayo; azo ayeke sara ye na lo na lege ti mbirimbiri si ala yeke ne lo.

Jérémie 31:25

Biani, azo so awoko na nzara ti ngu, fade mbi yeke mu na ala ngu ti nyon; azo so ngangu atia ala, mbi yeke mu na ala kota ngangu.