Matthieu 5:32 - Mbeti ti Nzapa - Tënë so amu fini

³² Ti mbi, mbi tene na ala: koli so atumba wali ti lo, ataa so wali ni agi mbeni koli nde pepe, andaa lo laa lo pusu wali ni ti gi koli. Koli so amu wali so mbeni koli atumba lo, andaa lo gi wali ti zo awe.”

Matthieu 5:32 Referans Kwoze

Rome 7:3

Tongana wali ni amu mbeni koli nde na ngoi so koli ti lo ade na fini, fade azo ayeke iri lo wali ti gingo koli. Tongana koli ni akui awe, wali ni asigigi na gbe ti ndia ni awe; lo lingbi ti mu mbeni koli nde senge, azo alingbi ti iri lo wali ti gingo koli pepe.

Nzoni Tënë so Luc asu na mbeti 16:18

“Koli so atumba wali ti lo si lo mu mbeni nde, andaa lo gi wali ti mbeni zo awe; koli so amu wali so koli ti lo atumba lo, andaa lo nga, lo gi wali ti mbeni zo awe.”

1 Korente 7:4

Wali ayeke na komandema na ndö ti tere ti lo wani pepe, me koli ti lo; koli nga ayeke na komandema na ndö ti tere ti lo wani pepe, me wali ti lo.

Matthieu 5:28

Ti mbi, mbi tene na ala: zo so abaa wali ti mba ti lo si asara nzara ti wali ni, andaa na be ti lo, lo gi wali ni awe.

Nzoni Tënë so Luc asu na mbeti 9:35

Na ya ti mbinda ni, mbeni go atene: “So ayeke Molenge ti mbi so mbi soro lo. Ala ma yanga ti lo!”

Nzoni Tënë so Luc asu na mbeti 9:30

Andaa akoli use ayeke fade na ndo so, ala yeke tene tënë na lo: Moïse na Élie laa.

Jérémie 3:9

Lo sara aye ti ndumba ni na ayanda so a sara na têne nga na keke si na lege ti sarango ye ti kirikiri ti lo, lo sara si kodro ni kue aga sioni.

Ndia ti fani use ni 24:2

Na peko ti so wali ni alondo, lo gue, lo mu mbeni koli nde.