Matthieu 5:28 - Mbeti ti Nzapa - Tënë so amu fini

²⁸ Ti mbi, mbi tene na ala: zo so abaa wali ti mba ti lo si asara nzara ti wali ni, andaa na be ti lo, lo gi wali ni awe.

Matthieu 5:28 Referans Kwoze

1 Jean 2:16

Aye ti dunia ni, so ti tene asioni nzara ti be ti zo, sarango nzara ti aye so anzere na le ti zo nga na baba so azo ayeke sara ndali ti aye so ala wara, aye so kue alondo na Babâ pepe, me alondo na dunia so.

Amato 6:25

Mo sara nzara ti mara ti wali tongaso ndali ti pendere ti lo pepe; ayeke nzoni le ti lo so lo yeke sara ti handa na akoli so, agboto mo pepe.

Sigingo 20:17

“Alingbi mo sara nzara ti da ti mba ti mo pepe; mo sara nzara ti wali ti mba ti mo pepe, ataa zo ti kua ti lo ti koli, ataa zo ti kua ti lo ti wali, ataa bagara ti lo, ataa lele ti lo, ataa ye so kue lo yeke na ni.”

2 Samuel 11:2

Mbeni lâ, na lakui, David alondo na ndö ti gbogbo ti lo, lo yeke fono na mbeni ndo so a leke na li ti da ti lo si azo ayeke duti daa. Kâ, lo baa mbeni wali so ayeke sukula ngu; wali ni apendere mingi.

Mbeti ti Job 31:1

Mbi na le ti mbi, e use kue, e deba titene mbi baa maseka-wali na nzara ni pepe.

Tongo nda ti aye 34:2

Sishem, molenge ti Hamor, zo ti mara ti Hivi, makonzi ti kodro ni, abaa Dina, lo mu lo, lo hon na lo, lo gbu lo na ngangu si lo lango na lo.

2 Pierre 2:14

Le ti ala ayeke za na nzara ti gingo awali; nzara ti sarango siokpari ayeke hunzi na be ti ala oko pepe. Ala yeke handa azo so be ti ala ade ti kpengba pepe; nzara ti warango ye ti ala ahon ti azo kue. Ala yeke azo so a deba ala awe!

Mbeti ti Job 31:9

Tongana mbi sara fade nzara ti mbeni wali si mbi luti na hondengo ni na yanga-da ti mba ti mbi,

Rome 7:14

E hinga so *Ndia ayeke ye ti Yingo; ti mbi, mbi yeke zo senge, a ka mbi tongana ngbaa na siokpari.

Abia (Psaumes) 119:96

Aye so kue ayeke nzoni, mbi baa so nzoni ni ayeke gue ngbii ahunzi, me atënë ti ndia ti mo ayeke si na ndani pepe.

Matthieu 5:39

Ti mbi, mbi tene na ala: zo so asara sioni na ala, ala kiri na peko ti sioni ni na lo pepe. Tongana mbeni zo apika ngbangba ti mo ti mbage ti koli, yoro na lo mbeni mbage ni lo pika.

Matthieu 5:22

Ti mbi, mbi tene na ala: zo so asara ngonzo na tere ti ita ti lo, fade a yeke gue na lo na ngbanga; zo so atene na ita ti lo: ‘Buba zo!’, fade a yeke gue na lo na gbe ti azo ti *Kota Bongbi ti Fango Ngbanga; zo so atene na ita ti lo: ‘Mo, zo ti gbogbolinda so!’, lo lingbi titene a bi lo na ndo so wâ ayeke gbi daa lakue.

Awayango-sandaga 18:20

“Alingbi mo lango pepe na wali ti mbeni mba ti mo so mo na lo ayeke na ya ti kodro oko. So fade ayeke sara si mo ga *sioni.

Ndia ti fani use ni 22:22

Tongana a wara mbeni koli so ayeke lango na wali ti mbeni zo, fade a yeke fâ ala use kue, koli ni na wali ni. Lege so fade ala yeke zi sioni ye na popo ti ala laa.

Ezekiel 23:16

Gi so lo baa ala, Oholiba asara nzara ti ala mingi si lo tokua azo na ala na kodro ti Babilone.

Matthieu 15:19

Biani, aye tongana asioni tënë ti be ti zo, fango zo, gingo wali wala koli ti zo, sarango aye ti ndumba, nzi, tenengo mvene na le ti ngbanga na zongango ndo, alondo kue na be ti zo si asigigi.