Matthieu 3:4 - Mbeti ti Nzapa - Tënë so amu fini

⁴ Jean ayu bongo so a sara ni na kua ti tere ti *zambala, lo kanga kamba ti poro ti nyama na ya ti lo, kobe ti lo ti tengo ni ayeke angadi na mafuta ti awotoro ti ngonda.

Matthieu 3:4 Referans Kwoze

2 Agbia 1:8

Ala kiri tënë na lo: “Koli ni ayu mbeni bongo so a sara na kua ti tere ti nyama, lo kanga kamba ti poro ti nyama na ngbonda ti lo.” Tongaso Ahazia atene: “Élie, zo ti gbata ti Tishebe laa!”

Awayango-sandaga 11:22

ayeke akete nyama tongana: mara ti angadi na agbadola nde nde.

Marc 1:6

Jean ayu bongo so a sara na kua ti tere ti *zambala, lo kanga kamba ti poro ti nyama na ya ti lo. Kobe ti lo ti tengo ni ayeke angadi na mafuta ti wotoro ti ngonda.

Matthieu 11:8

Nyen laa ala gue ti bango ni kâ? Mbeni zo so ayu pendere bongo? Azo so ayu apendere bongo ayeke duti na ya ti ada ti agbia!

Zakarii 13:4

Na lango ni so, fade wayanga-nzapa oko oko ayeke sara kamene ti tene peko ti tënë ti yanga ti Nzapa; kamene ti tene peko ti ye so lo baa na ya ti mbeni ye tongana bango-li ayeke sara lo. Fade lo yeke kiri ti handa azo pepe na yungo yongoro bongo ti awayanga-nzapa so a sara na kua ti tere ti nyama.

Nzoni Tënë so Luc asu na mbeti 1:17

Lo yeke tambula na dawa ti Nzapa, yingo ti wayanga-Nzapa Élie, na ngangu ti lo, ayeke duti na ndö ti lo si lo yeke leke songo na popo ti ababâ na amolenge ti ala. Lo yeke kiri ti leke be ti azo ti ngangu li si tënë ti be ti ala aga tongana ti azo ti mbirimbiri. Lo yeke sara tongaso ti leke azo so aleke tere ti ala ti ku Kota Gbia.”

Aye so Nzapa afa 11:3

Azo ti mbi use so ayeke tene taa-tënë na ndö ti mbi, ala so ayeke yu bongo ti mua so, fade mbi yeke mu lege na ala ti tene peko ti tënë ti yanga ti mbi na azo na ya ti lango saki oko ngbangbo use na baleomene.”

Matthieu 11:18

Jean aga, lo yeke te kobe pepe, lo yeke nyon nga ye pepe, me azo atene: ‘Sioni yingo ayeke na ya ti lo!’

Ndia ti fani use ni 32:13

Lo zia ala ti duti na sese ti ahoto, lo bata ala na akobe ti yaka. Lo sara si ala nyon mafuta ti wotoro so asigigi na ya ti du ti têne, lo sara si akeke ti olive asigigi na ya ti sese so atêne ayeke daa mingi.

Ésaïe 20:2

Ngu ota kozoni, *KOTA GBIA atene tënë na azo na lege ti Ésaïe, molenge ti Amoz, lo tene: “Gue mo zi bongo ti mua so mo kanga na ngbonda ti mo, mo zi nga poro na gere ti mo.” Ésaïe asara ye ni si lo tambula tere ti lo senge, gere ti lo senge.