Matthieu 28:7 - Mbeti ti Nzapa - Tënë so amu fini

⁷ Ala gue hio atene na adisiple ti lo, atene: ‘Lo zingo na kuâ awe si lo hon kozo ti ala na Galile. Kâ laa ala yeke baa ande lo.’ Baa, tënë ni laa mbi tene na ala laa awe so.”

Matthieu 28:7 Referans Kwoze

Matthieu 26:32

Me tongana mbi zingo ande na kuâ, mbi yeke hon kozo ti ala na Galile.”

Matthieu 28:10

Tongaso Jésus atene na ala: “Mbeto asara ala pepe. Ala gue, atene na a-ita ti mbi ti gue na Galile: kâ laa ala yeke baa ande mbi.”

Jean 16:4

Me mbi tene tënë so na ala titene, tongana ngbonga ni alingbi awe, ala dabe ti ala na tënë so mbi tene na ala.” “Mbi tene tënë so na ala kozoni pepe, ngbanga ti so mbi yeke na tere ti ala.

1 Korente 15:4

A lu lo, na lango ota ni, lo zingo na kuâ tongana ti so Mbeti ti Nzapa atene.

Jean 14:29

Mbi tene na ala aye so kozoni si aye ni asi, tongaso, tongana aye ni asi, ala ma na be.

Nzoni Tënë so Luc asu na mbeti 24:34

Azo ni atene na ala: “Taa-tënë, *Kota Gbia azingo na kuâ awe! Lo si na Simon!”

Marc 16:13

Ala kiri si ala tene tënë ni na tanga ti adisiple ni, me ala yeda na tënë ti adisiple use so pepe.

Marc 16:10

Marie ague, lo tene tënë ni na azo so ayeke lani na tere ti Jésus. Andaa vundu agbu be ti ala mingi si ala yeke toto.

Marc 14:28

Me tongana mbi zingo ande na kuâ, mbi yeke hon kozo ti ala na Galile.”

Matthieu 24:25

Mbi tene tënë ni na ala, ala ma awe!

Ésaïe 45:21

Ala ga afa so tënë ti ala ayeke na legeni! Ala bongbi, ala leke tënë na popo ti ala. Ye so asi laso, zo wa laa atene tënë ni kozoni si ye ni asi? Zo wa laa afa tënë ni ngbene ye giriri? Mbi KOTA GBIA laa mbi sara aye so pepe? Mbeni Nzapa nde ayeke daa pepe, gi mbi oko; mbeni Nzapa so ayeke mbirimbiri si ayeke soo zo ayeke daa pepe, gi mbi oko.

Ésaïe 44:8

Ala azo ti mbi, ala sara mbeto pepe, tere ti ala ado pepe! Mbi tene tënë so na ala ngbene ye giriri, mbi fa ni na ala, ala hinga awe. Ala laa ayeke azo ti tenengo tënë ti ye so ala hinga na ndö ti mbi. Mbeni Nzapa nde ayeke daa? Gi mbi oko pepe? Mbeni Kota Têne nde so aluti ngangu ayeke daa pepe; mbi hinga mbeni oko pepe.”

1 Korente 15:6

Na pekoni, lo si na azo so wungo ti ala ahon ngbangbo oku – mingi na popo ti ala angba na fini laso, ambeni akui awe –.

Matthieu 28:8

Awali ni alondo hio na yanga ti du ti kuâ ni, mbeto na ngia kue asi be ti ala si ala kpe, ague, atene tënë ni na adisiple ti Jésus.