Matthieu 27:66 - Mbeti ti Nzapa - Tënë so amu fini

⁶⁶ Tongaso ala gue, akanga kota têne ti yanga ti du ti kuâ ni ngangu, ala kpo mbeni *nzoroko na yanga ni si ala zia aturugu ti bata ni.

Matthieu 27:66 Referans Kwoze

Daniel 6:17

Tongaso, gbia amu yanga titene a ga na Daniel si a bi lo na ya ti du ti abamara. Gbia atene na Daniel, atene: “Nzapa ti mo oko, lo so mo ngba ti sara na lo lakue so, lo laa lo yeke soo mo.”

2 Timothée 2:19

Me kpengbango gere ti da so Nzapa aleke so ayeke yingi ande pepe. A su mbeti so na tere ti gere ti da ni, atene: “*Kota Gbia ahinga azo ti lo.” Mbeti ni akiri atene: “Zo so atene, ni yeke zo ti Kota Gbia, ayeke nzoni lo zia lege ti sarango ye ti sioni.”

Matthieu 28:2

Mo ye ti baa, sese ayingi ngangu mingi; *ange ti *Kota Gbia alondo na yayu azu na sese, lo pusu têne ti yanga ti du ni si lo duti na ndö ni.

Matthieu 27:60

lo zia kuâ ni na ya ti mbeni fini du ti kuâ so lo zi na ya ti kota têne aninga pepe. Andaa ayeke mbeni du ti kuâ so lo zi lani ndali ti lo wani. Na pekoni, lo mu mbeni kota têne, lo kanga na yanga ti du ti kuâ ni si lo gue.

Matthieu 28:11

So awali ni ade na lege, ambeni turugu so abata du ti kuâ ni ague, ali na ya ti gbata si ala fa peko ti ye so asi so kue na akota wayango-sandaga.

Matthieu 27:65

Pilate atene na ala: “Aturugu laa! Ala gue, abata du ti kuâ ni tongana ti so be ti ala aye!”

Marc 16:4

So ala yo le ti ala na nduzu, ala baa so a pusu têne ni si a zi ni awe, andaa têne ni akono fade mingi.

Jean 20:1

Na ndaperere ti layenga, so ndo angba ti vuko, Marie ti kodro ti Magdala ague na du ti kuâ ni. Lo baa so a zi têne ti yanga ti du ti kuâ ni awe.

Aye so Nzapa afa 20:3

Ange ni abi lo na ya ti kota du ni, lo kanga yanga ni si lo kpo *nzoroko na yanga ni titene nyama ni akiri awara lege ti handa amara pepe, ngbii ngu saki oko ni ahunzi si. Na pekoni, alingbi a zi lo ndali ti mbeni kete ngoi.

Josué 10:18

Josué atene: “Ala pusu akota têne akanga na yanga ti du ni; ala zia azo aluti ti bata du ni.