Matthieu 27:26 - Mbeti ti Nzapa - Tënë so amu fini

²⁶ Tongaso, Pilate azi Barabas na ala si lo mu yanga titene a pika Jésus na fimbo. Na pekoni, lo mu lo na ala titene a fâ lo na ndö ti keke ti kroa.

Matthieu 27:26 Referans Kwoze

Ésaïe 53:5

Me ti lo, ndali ti sioni ti e laa a kpo lo na ka, ndali ti siokpari ti e laa a nika lo. Pika so lo wara asara si e duti na siriri; ndali ti aka ti lo laa tere ti e aga nzoni.

Jean 19:1

Tongaso Pilate amu yanga titene a gue na Jésus si a pika lo na fimbo.

Marc 15:15

Pilate aye ti sara si be ti gba ti azo ni anzere; nilaa lo zi na ala Barabas. Na pekoni, lo mu yanga titene a pika Jésus na fimbo si lo zia lo na maboko ti ala titene a fâ lo na ndö ti keke ti kroa.

Nzoni Tënë so Luc asu na mbeti 23:16

Fade mbi yeke mu yanga titene a pika gi lo pikango si mbi zi lo.” [

Ésaïe 50:6

Mbi zia peko ti mbi na azo so ayeke pika mbi, mbi yoro ngbangba ti mbi na azo so ayeke gboto kua ti yanga ti mbi. Azo so ayeke zonga mbi si ala yeke tuku ngu ti yanga na le ti mbi, mbi honde le ti mbi na ala pepe.

1 Pierre 2:24

Christ wani ayo siokpari ti e na ya ti tere ti lo si lo kui na ni na ndö ti keke ti kroa, tongaso si e so e kangbi na siokpari na lege ti kuâ so e kui awe, e duti na fini ti sara ye ti mbirimbiri. Na lege ti aka so lo wara laa tere ti ala aga nzoni.

Marc 10:34

Ala yeke he lo, ala yeke tuku ngu ti yanga ti ala na tere ti lo, ala yeke pika lo na fimbo si ala yeke fâ lo. Lango ota na pekoni, fade lo yeke zingo na kuâ.”

Matthieu 20:19

ala yeke zia lo na maboko ti azo ti mbeni mara nde titene ala he lo, ala pika lo na fimbo si ala fâ lo na ndö ti keke ti kroa. Na lango ota ni, fade lo yeke zingo na kuâ.”

Jean 19:16

Tongaso Pilate azia Jésus na maboko ti ala titene ala gue, afâ lo na ndö ti keke ti kroa. Ala mu Jésus ahon na lo.