Matthieu 26:65 - Mbeti ti Nzapa - Tënë so amu fini

⁶⁵ Tongaso kota wayango-sandaga ni asuru ya ti bongo ti lo si lo tene: “Lo zonga Nzapa awe! E ye ti kiri ti hunda mbeni zo na tënë ngbanga ti nyen? Ala ma zonga so lo zonga na Nzapa so awe!

Matthieu 26:65 Referans Kwoze

Jean 10:36

Me ti mbi, Babâ ti mbi azia mbi nde si lo tokua mbi na ndö ti dunia so. Ngbanga ti nyen laa ala tene: ‘Mo yeke zonga Nzapa!’ Ngbanga ti so mbi tene: ‘Mbi yeke Molenge ti Nzapa’ so?

Jean 10:33

Azuife akiri tënë, atene: “E ye ti bo mo ngbanga ti mbeni nzoni ye ni pepe, me ngbanga ti so mo zonga Nzapa: mo yeke gi zo senge, me mo ye ti sara tere ti mo Nzapa!”

Matthieu 9:3

Tongaso ambeni wafango-ndia atene na popo ti ala: “Koli so ayeke zonga Nzapa!”

Jérémie 36:24

Gbia na akota zo ti yangbo ti lo kue ama atënë so kue nzoni; me atënë ni azia mbeto na be ti ala oko pepe, ala suru bongo ti ala pepe.

Wungo ti azo 14:6

Josué, molenge ti Nune na Kaleb, molenge ti Yefune ayeke lani na popo ti azo so ague ti *bembe ndo na ya ti kodro ni, ala suru bongo na tere ti ala.

Awatokua 14:14

So Barnabas na Paul ama tënë ni, ala suru bongo ti ala si ala kpe ali na popo ti azo ni; ala dekongo, atene:

Nzoni Tënë so Luc asu na mbeti 5:21

Awafango-ndia na afarizien ato nda ti tene na be ti ala, atene: “Lo yeke zo wa si lo yeke zonga Nzapa so? Zo wa laa alingbi ti zi asiokpari ti azo? Gi Nzapa oko!”

2 Agbia 18:37

Na pekoni, Eliakim, molenge ti Hilkia, makonzi ti yangbo ti gbia, lo na wakuasu Shebna nga na Yoa, molenge ti Asaf, zo ti tenengo peko ti tënë ti yanga ti gbia asuru bongo na tere ti ala. Ala kiri na tere ti Ezekias si ala tene na lo peko ti tënë ti makonzi ti aturugu ti batango gbia ti Asirii.

Awayango-sandaga 21:20

zo ti kunguruba, zo so ange ngengo, zo so mbeni kobela ayeke so le ti lo, zo so koto-mo-lango ayeke na tere ti lo, zo so dartere ayeke na tere ti lo, wala zo so le ti korobo ti lo abuba.