Matthieu 25:24 - Mbeti ti Nzapa - Tënë so amu fini

²⁴ Zo ti kua so awara ti lo ale ti lôro ngbangbo oko so aga nduru si lo tene: ‘Kota zo, mbi hinga so mo yeke mbeni koli so mo so mingi, mo yeke ko ale ti kobe na ndo so mo lu ale ti kobe daa pepe, mo yeke bongbi ale ti kobe na ndo so mo tuku ale ti kobe daa pepe.

Matthieu 25:24 Referans Kwoze

Nzoni Tënë so Luc asu na mbeti 15:29

Me lo tene na Babâ ti lo: ‘Baa, mbi sara kua na mo ngu mingi; laoko mbi ke yanga ti mo pepe. Me laoko mo mu na mbi mbeni molenge ti ngasa pepe titene mbi fâ ti sara na matanga na amba ti mbi so mbi na ala e ye tere.

Jérémie 2:31

– Ala, azo ti fadeso, ala ma tënë ti KOTA GBIA mbirimbiri! – Ala, azo ti Israel, mbi ga tongana benyama ndali ti ala? Wala kodro so ndo avuko daa pitipiti? Ala, azo ti mbi, ndani nyen si ala yeke tene: ‘E yeke gue na ndo so be ti e aye, e yeke kiri na mo mbeni pepe’ so?

Rome 9:20

Mo zo, mo yeke ti mo zo wa ti kiri tënë na Nzapa? Ta ti sese so zo asara na maboko ti lo alingbi ti hunda zo so asara lo, atene: “Ngbanga ti nyen si mo leke mbi tongaso?”

Rome 8:7

Azo so be ti ala ayeke gi na ndö ti asioni nzara ti be ti ala, ala yeke awato ti Nzapa; ala ke ti sara ye alingbi na Ndia ti Nzapa, ala lingbi nga ti sara ni oko pepe.

Nzoni Tënë so Luc asu na mbeti 6:46

“Ngbanga ti nyen laa ala yeke iri mbi: ‘*Kota Gbia, Kota Gbia’, me ala sara ye alingbi na tënë so mbi tene so pepe?

Matthieu 20:12

ala tene: ‘Azo so amu ala na ndani so asara kua gi na ya ti ngbonga oko, me mo futa ala legeoko na e so e baa pasi na ndaperere ngbii asi na lakui si lâ asu e ngbii so!’

Matthieu 7:21

“Azo so kue ayeke iri mbi, atene: ‘*Kota Gbia, Kota Gbia’, ala kue laa ayeke li ande na ya ti *Kodro-gbia ti yayu pepe; me gi ala so asara ye so be ti Babâ ti mbi so ayeke na yayu aye.

Ésaïe 58:3

Me ala tene na mbi, atene: ‘So mo yeke baa e pepe so, e yeke ke kobe ngbanga ti nyen? So mo hinga tënë ni pepe so, e yeke kanga nzara ti ya ti e ngbanga ti nyen?’ Tongaso, mbi kiri tënë, mbi tene: Andaa na lango so ala ke kobe, ala yeke sara akua so ala yeke baa nzoni na peko ni, ala yeke sara ngangu na azo ti kua ti ala,

Matthieu 18:24

So lo to nda ti baa tënë ni, a mu mbeni zo ti kua ti lo aga na lo na lo; nginza ti lo ayeke na li ti zo ti kua ni kutu mingi.

Matthieu 25:25

Mbeto agbu mbi si mbi gue, mbi honde nginza ti mo na ya ti sese. Baa, nginza ti mo laa.’

Matthieu 25:26

Makonzi ni akiri tënë na lo: ‘Sioni zo ti kua, mo yeke zo ti sopo! Mo hinga, mo tene, mbi yeke ko ale ti kobe na ndo so mbi lu kobe daa pepe si mbi yeke bongbi ale ti kobe na ndo so mbi tuku ale ti kobe daa pepe.

Nzoni Tënë so Luc asu na mbeti 19:13

Kozoni si lo hon, lo iri azo ti kua ti lo baleoko. Lo mu ale ti nginza baleoko so a sara na lôro si lo kangbi ni na ala; lo tene na ala: ‘Ala mu nginza so ade na buze ngbii asi na ngoi so mbi yeke kiri.’