Matthieu 24:43 - Mbeti ti Nzapa - Tënë so amu fini

⁴³ Ala ma tënë so nzoni: tongana wa ti da ahinga ngbonga so zo ti nzi ayeke ga na ni na bi, ka lo yeke lango pepe. Lo yeke duti ti baa ndo si zo ti nzi ni akungbi yanga ti da ti lo pepe ti li na ya ni.

Matthieu 24:43 Referans Kwoze

Nzoni Tënë so Luc asu na mbeti 12:39

“Ala hinga so, tongana wa ti da ahinga ngbonga so zo ti nzi ayeke ga na ni, ka lo zia zo ti nzi ni ti kungbi yanga ti da ti lo ti li na ya ni pepe.

Matthieu 24:44

Ndani laa, ala nga, ala leke tere ti ala ti ku, ngbanga ti so Molenge ti Zo ayeke ga ande na ngbonga so ala hinga pepe.”

Matthieu 20:11

So ala wara nginza ni, ala yeke kasa wa ti yaka ni,

Amato 7:19

Koli ti mbi ayeke na kodro pepe, lo hon na mbeni yongoro tambula awe.

Matthieu 14:25

So ndo aga nduru ti han, Jésus ayeke tambula na gere na le ti ngu si lo yeke ga na mbage ti adisiple ti lo.

Matthieu 24:42

Tongaso, azo ti mbi, ala lango pepe, ngbanga ti so ala hinga lango ti gango ti *Kota Gbia ti ala pepe!

Matthieu 25:10

So amaseka-wali ti buba ague ti vo mafuta ni, koli ni asi. Amaseka-wali so aleke tere ti ala awe si ayeke ku lo so ali na lo na ya ti da ti matanga ni; a kanga yanga ti da ni na ndö ti ala.

Matthieu 25:13

Ti hunzi na ni, Jésus atene: “Ala lango pepe, ngbanga ti so ala hinga lango ni wala ngbonga ni pepe!”

Marc 6:48

Lo baa adisiple ti lo ayeke baa pasi mingi ti hon na li ni ngbanga ti pupu ayeke kiri ala kiringo na peko. Ye so asi na ala nduru na yanga ti ndaperere. Tongaso Jésus atambula na gere na le ti ngu ti gue na mbage ti ala. Lo ye ti hon ala hongo.

Marc 13:35

Ala lango pepe, ngbanga ti so ala hinga lango so wa ti da ni ayeke ga ande na ni pepe: wala na lakui, wala na be ti bi, wala na kozo toto ti kondo, wala na ndaperere, ala hinga pepe.

Nzoni Tënë so Luc asu na mbeti 12:38

Ti ala nzoni, tongana lo ga na be ti bi, wala na peko ti be ti bi si lo wara ala so ala yeke ku ti yamba lo!

Nzoni Tënë so Luc asu na mbeti 21:36

Tongaso ala lango pepe! Ala ngba ti sambela lakue si ala wara ngangu ti sigigi na ya ti aye so ayeke si ande so si ala wara lege ti luti na nduzu na dawa ti *Molenge ti Zo.”

Aye so Nzapa afa 3:3

Mo dabe ti mo na tënë so a fa na mo si mo ma ni ando so. Sara ye alingbi na ni, zia ngbene lege ti sarango ye ti mo. Tongana mo zingo pepe, fade mbi yeke ga na tere ti mo tongana zo ti nzi, mo yeke hinga ngoi so mbi yeke ga na ni pepe.

Aye so Nzapa afa 16:15

Kota Gbia atene: “Baa, mbi yeke ga tongana zo ti nzi! Ti lo nzoni, zo so alango pepe si lo bata bongo ti lo na tere ti lo. Tongaso, fade lo yeke tambula na tere ti lo senge pepe, kamene ayeke sara lo na le ti azo pepe.”

Mbeti ti Job 24:16

Na bi laa zo ti nzi ayeke kungbi yanga ti da. Na kota lâ, lo yeke kanga yanga ti da na ndö ti lo, lo hinga vurungo ndo pepe.