Matthieu 23:7 - Mbeti ti Nzapa - Tënë so amu fini

⁷ Ala ye titene azo abara ala na ndo so azo abongbi daa si airi ala ‘Wafango-ye’.

Matthieu 23:7 Referans Kwoze

Jean 1:38

Jésus abaa ndo na peko; lo baa so ala yeke mu peko ti lo, lo hunda ala, lo tene: “Ala yeke gi nyen?” Ala kiri tënë na lo, atene: “Rabi, mo yeke lango na ndo wa?” – Nda ti Rabi ni atene “Wafango-ye”. –

Jean 1:49

Natanael atene na lo: “Wafango-ye, mo yeke Molenge ti Nzapa! Mo yeke gbia ti Israel!”

Jean 20:16

Jésus atene na lo: “Marie!” Marie abaa ndo na mbage ti lo si lo tene na yanga ti hebro, lo tene: “Rabuni!” Ndani atene: “Wafango-ye.”

Jean 6:25

Azo ni awara Jésus na mbage ti ngu ni si ala hunda lo, atene: “Wafango-ye, mo si ge lawa?”

Jean 3:26

Ala gue, awara Jean si ala tene na lo: “Wafango-ye, koli so lani mo na lo ayeke na mbage ti ngu ti Jourdain kâ so, lo so mo fa peko ti tënë ti lo so, baa, lo kiri lo yeke batize azo si azo kue ayeke gue gi na lo!”

Jean 3:2

Lo ga lo baa Jésus na bi si lo tene na lo: “Wafango-ye, e hinga so Nzapa laa atokua mo ti fa ye na e, ngbanga ti so, tongana Nzapa ayeke na zo pepe, zo ni alingbi ti sara aye ti kpene so mo yeke sara so pepe.”

Marc 10:51

Jésus ahunda lo, atene: “Mo ye mbi sara nyen na mo?” Waziba ni akiri tënë na lo: “Wafango-ye, sara si mbi kiri mbi baa ndo.”

Marc 9:5

Tongaso Pierre atene na Jésus: “Wafango-ye, ayeke nzoni e ngba na ndo so! E leke gbefa ota: oko ti mo, oko ti Moïse, oko ti Élie.”

Matthieu 23:8

Me ti ala azo ti mbi, ayeke nzoni ala yeda titene azo airi ala ‘Wafango-ye’ pepe, ngbanga ti so ala kue ayeke a-ita si Wafango-ye na ala ayeke gi oko.

Matthieu 11:16

“Fade mbi yeke haka azo ti fadeso na azo wa? Ala yeke tongana amolenge so aduti na le ti kodro si ambeni ayeke iri amba ti ala, atene:

Matthieu 26:25

Judas, zo ti kango Jésus amu tënë si lo tene: “Wafango-ye, ayeke mbi?” Jésus akiri tënë na lo, atene: “Tënë ni laa mo tene awe so.”

Matthieu 26:49

Gi hio tongaso, Judas aga nduru na tere ti Jésus si lo tene na lo: “Wafango-ye, mbi bara mo!” Na pekoni, lo su ngbangba ti lo.

Marc 11:21

Pierre adabe ti lo na ye so asi lani so si lo tene na Jésus: “Wafango-ye, baa keke ti fige so lani mo deba ni so, ahole kue awe.”

Marc 12:38

Na ya ti fango ye so Jésus ayeke fa, lo tene: “Ala sara hange na awafango-ndia so aye ti fono gi na ya ti akota bongo si ala ye titene azo abara ala na ndo so azo abongbi daa.

Marc 14:45

Gi so Judas asi, lo ga nduru na tere ti Jésus; lo iri lo, lo tene: “Wafango-ye!” Na pekoni, lo su ngbangba ti lo.

Nzoni Tënë so Luc asu na mbeti 11:43

“Mawa na ala, afarizien! Ala ye ti duti gi na ndö ti akozo ngende na ya ti ada ti sambelango Nzapa, ala ye nga titene azo abara ala na ndo so azo abongbi daa.

Jean 4:31

Na ndembe so wali ni ahon, adisiple ti Jésus atene na lo: “Wafango-ye, te kobe!”

Jean 9:2

Adisiple ti lo ahunda lo, atene: “Wafango-ye, zo wa laa asara siokpari si a du koli so waziba so? Lo, wala babâ na mama ti lo?”

Jean 11:8

Adisiple akiri tënë na lo, atene: “Wafango-ye, na ya ti alango so ahon, azuife so kâ agi lege ti bo mo na têne. Mo ye ti kiri kâ?”