Matthieu 23:22 - Mbeti ti Nzapa - Tënë so amu fini

²² Zo so adeba na iri ti yayu, andaa lo deba na iri ti mbata ti Gbia Nzapa nga na iri ti Nzapa so aduti na ndö ni.

Matthieu 23:22 Referans Kwoze

Matthieu 5:34

Ti mbi, mbi tene na ala: ala deba yanga ti ala oko pepe. Ala deba na iri ti yayu pepe, ngbanga ti so yayu ayeke mbata ti Gbia Nzapa.

Ésaïe 66:1

Tënë so *KOTA GBIA atene ayeke so: “Yayu ayeke mbata ti mbi ti gbia, sese ayeke mbata so mbi yeke zia gere ti mbi na ndö ni. Mara ti da wa laa ala lingbi ti sara na mbi? Ndo wa laa mbi lingbi ti wu tere ti mbi daa?

Abia (Psaumes) 11:4

KOTA GBIA ayeke na ya ti kota da ti lo so ayeke nde si ayeke nzoni kue. Mbata ti lo ti gbia ayeke na yayu. Lo yeke baa ndo na ndö ti sese kue, le ti lo ayeke baa azo oko oko kue ti tara ala.

Awatokua 7:49

‘Yayu ayeke mbata ti mbi ti gbia, sese ayeke mbata so mbi yeke zia gere ti mbi na ndö ni. Kota Gbia atene: Mara ti da wa laa ala lingbi ti sara na mbi? Ndo so mbi lingbi ti wu tere ti mbi daa ayeke so wa?