Matthieu 21:9 - Mbeti ti Nzapa - Tënë so amu fini

⁹ Azo so ayeke tambula na dawa ti Jésus na ala so ayeke tambula na peko ti lo ayeke dekongo, atene: “E gonda Molenge ti David! Ayeke nzoni Nzapa asara tufa na ndö ti lo so aga na iri ti Kota Gbia! E gonda Nzapa so ayeke na yayu kâ na ndö ti aye kue!”

Matthieu 21:9 Referans Kwoze

Nzoni Tënë so Luc asu na mbeti 2:14

“E gonda Nzapa so ayeke na yayu kâ na ndö ti aye kue, siriri na ndö ti sese na popo ti azo so lo ye ala!”

Matthieu 23:39

Mbi tene na ala so fade ala kiri ti baa mbi pepe ngbii asi na ngoi so ala yeke tene ande, atene: ‘Ayeke nzoni Nzapa asara tufa na ndö ti lo so aga na iri ti *Kota Gbia!’ ”

Matthieu 21:15

So akota wayango-sandaga na awafango-ndia abaa aye ti kpene so Jésus asara si ala baa nga amolenge so ayeke dekongo na ya ti kota da ti Nzapa, atene: “E gonda Molenge ti David”, be ti ala aso.

Matthieu 9:27

So Jésus alondo na ndo so ti hon, awaziba use amu peko ti lo; ala yeke dekongo, atene: “Molenge ti David, baa mawa ti e!”

Abia (Psaumes) 148:1

Aleluya! Ala so ayeke na yayu kâ, ala sepela *KOTA GBIA! Ala so ayeke yongoro na nduzu kâ, ala sepela KOTA GBIA!

Matthieu 21:10

So Jésus ali na Jérusalem awe, gbata ni kue ayingi. Azo ahunda ndo, atene: “So zo wa laa?”

Nzoni Tënë so Luc asu na mbeti 13:35

Fade ya ti da ti ala ayeke ngba senge senge! Mbi tene na ala so, fade ala yeke kiri ti baa mbi pepe ngbii asi na ngoi so ala yeke tene ande, atene: ‘Ayeke nzoni Nzapa asara tufa na ndö ti lo so aga na iri ti *Kota Gbia!’ ”