Matthieu 21:38 - Mbeti ti Nzapa - Tënë so amu fini

³⁸ Me so azo ti fango yaka ni abaa molenge ni, ala tene na popo ti ala: ‘Baa, lo so lo yeke ga wa ti yaka ni na peko ti babâ ti lo laa! Ala ga, e fâ lo si yaka ti lo aga ti e!’

Matthieu 21:38 Referans Kwoze

Nzoni Tënë so Luc asu na mbeti 20:14

Me so azo ti fango yaka ni abaa molenge ni, ala tene na popo ti ala: ‘Baa, lo so lo yeke ga wa ti yaka ni na peko ti babâ ti lo laa! E fâ lo si yaka ni aga ti e!’

Ahebro 1:2

Me na ngoi ti ndani so e yeke daa, lo tene tënë na e na lege ti Molenge ti lo. Nzapa asara dunia mobimba na lege ti Molenge si lo zia Molenge ni titene aye kue aga ti lo.

2 Samuel 14:7

Azo ti kete mara ti mbi kue alondo na tënë na tere ti mbi; ala tene: ‘Zia molenge so afâ ita ti lo so na maboko ti e, e ye ti fâ lo nga tongana ti so lo fâ ita ti lo so. Tongaso laa e yeke zi lo so fade lo yeke mu aye na peko ti kuâ ti babâ ti lo.’ Kete wâ so angba na mbi so, fade ala yeke mingo ni si iri ti koli ti mbi na ti asewa ti lo kue agirisa na ndö ti sese so.”

Matthieu 21:34

So ngoi ti fango ale ti vinye ni aga nduru, lo tokua azo ti kua ti lo na azo ti fango yaka ni titene ala mu ti lo ale ti vinye ni aga na ni.

Matthieu 21:37

Na ndani, koli ni atokua molenge ti lo na ala; lo tene na be ti lo, lo tene: ‘Fade ala yeke kpe mbeto ti molenge ti mbi.’

Matthieu 21:39

Ala gbu lo, ala sigigi na lo na ya ti yaka ni si ala fâ lo.”

1 Agbia 1:12

Fadeso, mbi ye ti mu na mo wango titene mo soo fini ti mo nga na fini ti molenge ti mo Salomon.