Matthieu 21:15 - Mbeti ti Nzapa - Tënë so amu fini

¹⁵ So akota wayango-sandaga na awafango-ndia abaa aye ti kpene so Jésus asara si ala baa nga amolenge so ayeke dekongo na ya ti kota da ti Nzapa, atene: “E gonda Molenge ti David”, be ti ala aso.

Matthieu 21:15 Referans Kwoze

Matthieu 21:9

Azo so ayeke tambula na dawa ti Jésus na ala so ayeke tambula na peko ti lo ayeke dekongo, atene: “E gonda Molenge ti David! Ayeke nzoni Nzapa asara tufa na ndö ti lo so aga na iri ti Kota Gbia! E gonda Nzapa so ayeke na yayu kâ na ndö ti aye kue!”

Jean 12:19

Tongaso *afarizien atene na popo ti ala: “Ala baa awe? Ye ni akara ala awe: azo ti dunia kue ague gi na peko ti lo!”

Jean 11:57

Akota wayango-sandaga na afarizien amu yanga, atene: “Tongana mbeni zo ahinga ndo so Jésus ayeke daa, lo tene tënë ni si a lingbi ti gbu lo.”

Jean 7:42

Mbeti ti Nzapa atene: ‘Fade Mesii ni ayeke *hale ti David. Lo yeke londo ande na Betlehem, kodro ti David si lo yeke ga.’”

Jean 4:1

*Afarizien ama so Jésus ayeke sara si azo mingi aga adisiple si lo yeke batize nga azo mingi ahon Jean.

Nzoni Tënë so Luc asu na mbeti 22:66

So ndo ahan awe, *akangba ti azuife na akota wayango-sandaga na awafango-ndia abongbi tere ti ala. Ala mu Jésus ague na lo na gbe ti azo ti *Kota Bongbi ti Fango Ngbanga ti ala.

Nzoni Tënë so Luc asu na mbeti 22:2

Akota wayango-sandaga na awafango-ndia ayeke gi lege ti fâ Jésus; me ala sara mbeto ti azo ti kodro.

Nzoni Tënë so Luc asu na mbeti 20:1

Mbeni lâ, Jésus ayeke fa ye na azo na ya ti kota da ti Nzapa; lo yeke fa nga Nzoni Tënë na ala. Akota wayango-sandaga, awafango-ndia na *akangba aga.

Marc 11:18

Akota wayango-sandaga na awafango-ndia ama tënë ti ye so Jésus asara so si ala yeke gi lege ti fâ lo. Me ala sara mbeto ti lo mingi, ngbanga ti so li ti gba ti azo akpe ndali ti fango ye ti lo.

Matthieu 27:20

Akota wayango-sandaga na *akangba apusu gba ti azo ni atene, ala hunda titene a zi Barabas si a fâ Jésus.

Matthieu 27:1

Na ndaperere, akota wayango-sandaga kue na *akangba ti azuife abongbi ti fâ ngbanga ti kuâ na li ti Jésus.

Matthieu 26:59

Akota wayango-sandaga na azo kue ti *Kota Bongbi ti Fango Ngbanga ayeke gi lege ti wara mbeni tënë ti mvene ti bi na li ti Jésus, ti fâ ngbanga ti kuâ na li ti lo;

Matthieu 26:3

Tongaso akota wayango-sandaga na *akangba ti azuife abongbi tere na ya ti gbagba ti kota wayango-sandaga so iri ti lo Kaife.

Matthieu 22:42

“Ti be ti ala, ala tene nyen na ndö ti *Mesii? Lo yeke molenge ti zo wa?” Ala kiri tënë na lo: “Lo yeke Molenge ti David.”

Matthieu 21:23

Jésus ali na ya ti kota da ti Nzapa si lo yeke fa ye. Tongaso, akota wayango-sandaga na *akangba ti azuife aga nduru na tere ti lo si ala hunda lo, atene: “Na iri ti zo wa laa mo yeke sara aye so? Zo wa laa amu lege na mo ti sara ni, zo wa?”

Matthieu 9:27

So Jésus alondo na ndo so ti hon, awaziba use amu peko ti lo; ala yeke dekongo, atene: “Molenge ti David, baa mawa ti e!”

Ésaïe 26:11

KOTA GBIA, mo yo maboko ti mo na nduzu ti pika ala, me ala baa ni pepe. Fade ala yeke baa so mo yeke na nzara mingi ti sara na azo ti mo, tongaso kamene ayeke gbu le ti ala. Wâ so a leke ndali ti awato ti mo ayeke gbi azo ni.

Matthieu 20:24

So tanga ti adisiple baleoko ama tënë so, be ti ala aso na a-ita use so.