Matthieu 20:2 - Mbeti ti Nzapa - Tënë so amu fini

² Lo na azo ti kua ni ama tere titene lo futa na ala nginza so a yeke mu na zo ndali ti kua ti lango oko. Na pekoni, lo tokua ala na yaka ti vinye ti lo ni.

Matthieu 20:2 Referans Kwoze

Aye so Nzapa afa 6:6

Mbi ma mbeni go na popo ti aye osio so ayeke na fini so, atene: “Ngere ti kilo oko ti *ble alingbi na nginza ti kua ti lango oko; ngere ti kilo ota ti *orze alingbi na nginza ti kua ti lango oko. Me ti mafuta na ti vin, mo ndu ni pepe!”

2 Timothée 3:15

Ti londo na ndembe so mo de kete molenge ngbii asi fadeso, mo hinga Mbeti ti Nzapa; mbeti ni alingbi ti mu na mo ndara. Ndara ni ayeke fa na mo lege titene mo soo kuâ na lege so mo ma na be na Jésus Christ.

Nzoni Tënë so Luc asu na mbeti 10:35

Na ndade ni, na hongo ti lo, lo sigigi na ale ti nginza use, lo mu na wa ti da ni si lo tene na lo: ‘Bata lo nzoni. Tongana mo zia mbeni nginza ti mo na ndö ti so ti vo na ye na lo, na kiringo ti mbi, fade mbi yeke kiri ni na mo.’ ”

Nzoni Tënë so Luc asu na mbeti 1:15

Biani, fade lo yeke ga kota na le ti Kota Gbia; lo yeke nyon vin wala samba pepe; Yingo-Vuru ayeke si lo gi na ya ti mama ti lo.

Matthieu 22:19

Ala fa na mbi le ti nginza so ala yeke futa na lapo so!” Azo ni aga na mbeni le ti nginza na lo.

Matthieu 20:13

Me wa ti yaka ni akiri tënë na mbeni oko na popo ti ala, atene: ‘Ita, mbi handa mo oko pepe. E na mo, e ma tere fade titene mbi futa mo na nginza ti lango oko pepe?

Matthieu 18:28

Zo ti kua ni asigigi si lo tengbi na mbeni mba ti lo; yongo ti lo ayeke ale ti nginza ngbangbo oko na li ti mba ti lo ni. Lo gbu go ti mba ti lo ni si lo to nda ti pete ni ngangu, lo tene: ‘Futa na mbi yongo ti mbi!’

Zo ti bongbingo azo 12:1

Na ngoi so mo de maseka, ayeke nzoni mo dabe ti mo na lo so asara mo. Dabe ti mo na lo kozoni si alango ti pasi asi, so ti tene ngoi so fade mo yeke tene: “Dunia ni anzere na mbi oko pepe”.

2 Mbai 34:3

Na ya ti ngu miombe so Yosias ale-gbia, so lo de maseka, lo to nda ti gi Nzapa ti kotara ti lo David. Na ngu baleoko na use ni, lo to nda ti sara si Juda na Jérusalem aga *nzoni: lo zi ando so azo aleke na ndö ti ahoto ti voro anzapa nde daa, akeke so a leke si aluti na nduzu ndali ti nzapa-wali *Ashera nga na ayanda so a leke na keke na ayanda so a kporo wen si a leke na ni.

1 Agbia 18:12

Me gi so mbi yeke zia mo ti hon, fade yingo ti KOTA GBIA ayeke mu mo ti hon na mo na mbeni ndo so mbi hinga pepe. Ti mbi, mbi yeke gue ti tene tënë ni na Akab; tongana lo wara mo pepe, fade lo yeke fâ mbi. Andaa ti londo na ngoi so mbi de molenge ngbii asi laso, mbi zo ti kua ti mo, mbi yeke kpe mbeto ti KOTA GBIA mingi.

1 Samuel 3:21

KOTA GBIA angba ti si na Samuel na kodro ti Silo. Kâ laa KOTA GBIA ayeke tene tënë ti lo na Samuel.

1 Samuel 3:1

Molenge Samuel ayeke sara kua na *KOTA GBIA na gbe ti Heli. Na ngoi ni so, KOTA GBIA ayeke tene ando tënë na azo mingi mingi pepe; wala ayeke ngangu titene lo fa mbeni ye na zo na ya ti mbeni ye tongana bango-li.

1 Samuel 2:26

Me kete Samuel angba ti kono, lo ga nzoni na le ti KOTA GBIA nga na le ti azo.

1 Samuel 2:18

Me Samuel, so ade molenge ayeke sara kua na le ti Kota Gbia. Lo yu *efod so a sara na *len.

Matthieu 9:37

Tongaso lo tene na adisiple ti lo: “Ala baa, kobe ti yaka ni ayeke mingi, me azo ti kua ni ayeke mingi pepe.

Matthieu 20:1

“Tënë ti *Kodro-gbia ti yayu ayeke tongana tënë ti mbeni wa ti da so asigigi na kota ndaperere ti gi azo, ti mu ala na kua ti yaka ti *vinye ti lo.

Matthieu 20:3

Na ngbonga gumbaya, lo kiri lo sigigi, lo baa ambeni zo so aluti senge senge si ala yeke sara kua pepe.

Marc 12:15

Me Jésus ahinga atene, tënë ti yanga ti afarizien ayeke nde na sarango ye ti ala. Tongaso lo tene na ala: “Ngbanga ti nyen ala ye ti sara si mbi ti na ya ti gbanda ti ala? Ala ga na mbi mbeni le ti nginza, mbi baa.”

Nzoni Tënë so Luc asu na mbeti 20:24

“Ala fa na mbi mbeni le ti nginza, e baa. So li ti zo wa laa? So iri ti zo wa laa na le ti nginza ni so?” Ala kiri tënë na lo, atene: “Ti kota gbia ti Rome.”

Matthieu 20:9

Ala so a mu ala na ngbonga oku ti peko ti bekombite so aga si ala wara futa ti lango oko.