Matthieu 2:18 - Mbeti ti Nzapa - Tënë so amu fini

¹⁸ “A ma mbeni go na kodro ti Rama, toto na demango tere ahon ndoni: Rachel laa ayeke toto amolenge ti lo; lo ke ti ma awango so alingbi ti de be ti lo, ngbanga ti so amolenge ni ayeke daa mbeni pepe.”

Matthieu 2:18 Referans Kwoze

Jérémie 31:15

Tënë so KOTA GBIA atene ayeke so: “A yeke ma dekongo na toto ti kota vundu na kodro ti Rama. Rachel laa ayeke toto ndali ti amolenge ti lo; lo ke ti ma awango so alingbi ti de be ti lo, ngbanga ti so amolenge ni ayeke daa mbeni pepe.”

Jérémie 4:31

Mbi ma mbeni go; go ni akpa ti wali so ya ti lo ayeke so ti du si lo yeke dema tere ti lo. Go ni akpa ti wali so ayeke du kozo molenge ti lo; go ni so ayeke go ti *Sion, pendere gbata: lo wu pupu gbaa si lo yeke dema; lo yoro maboko ti lo na nduzu si lo tene: “Ti mbi awe! Azo ti fango zo afâ mbi awe!”

Ezekiel 2:10

Maboko ni azi ya ti mbeti ni na le ti mbi. A su mbeti na le ti *rulo ni na ya ni nga na peko ni kue. Abia ti demango tere, atënë ti toto na ti dema laa a su na le ni.

Tongo nda ti aye 37:30

lo kiri na tere ti a-ita ti lo si lo tene: “Molenge ni ayeke daa pepe! Ti mbi, fade mbi yeke gue na ndo wa?”

Aye so Nzapa afa 8:13

Mbi kiri mbi baa ndo, mbi ma mbeni *ngoalo so ayeke huru yongoro kâ na le ti nduzu si ayeke dekongo, atene: “Mawa! Mawa! Mawa na azo ti ndö ti sese ndali ti atatalita so a-ange ota ayeke huru ni ande!”

Mbeti ti Job 14:10

Me tongana zo akui, ngangu ti lo ahunzi awe. Tongana zo akui, lo yeke na ndo wa?

Tongo nda ti aye 42:36

Babâ ti ala Jacob atene na ala: “Ala ye ti mu amolenge ti mbi kue na tere ti mbi ti hon na ala! Joseph ayeke daa mbeni pepe; Siméon ayeke daa mbeni pepe; ala ye ti mu Benjamin ti hon na lo na tere ti mbi! Pasi ni kue aga gi na ndö ti mbi.”

Matthieu 2:17

Tongaso, tënë so wayanga-Nzapa Jérémie atene ando, aga taa-tënë; lo tene:

Nzoni Tënë so Luc asu na mbeti 8:52

Azo ni kue ayeke toto si ala yeke dema tere ndali ti molenge ni. Me Jésus atene na ala: “Ala toto pepe! Lo kui pepe, me lo yeke lango.”