Matthieu 19:7 - Mbeti ti Nzapa - Tënë so amu fini

⁷ Afarizien ahunda lo, atene: “Ngbanga ti nyen si Moïse amu yanga na koli ti mu mbeti ti kangbingo tere na wali ti lo si lo tumba lo?”

Matthieu 19:7 Referans Kwoze

Matthieu 5:31

“Ala ma nga tënë so a tene ando, atene: ‘Koli so atumba wali ti lo, alingbi lo mu na lo mbeti ti kangbingo tere.’

Marc 10:4

Ala tene: “Moïse amu yanga atene, koli alingbi ti sara mbeti ti kangbingo tere si lo tumba wali ti lo.”

Malashii 2:16

Tënë so KOTA GBIA, Nzapa ti Israel, atene laa: “Tumbango wali ayeke ye so mbi ke tongana ti so mbi ke zo so ayeke sara ngangu na mba ti lo. Tënë so KOTA GBIA so ayeke na ndö ti dunia kue atene laa. Ala sara hange! Ala bata fini ti ala. Ala buba lege ti mbuki ti ala pepe!”

Matthieu 1:19

Joseph, koli ti lo ayeke zo ti mbirimbiri, lo ye ti sigigi na tënë ni pepe na le ti azo kue ti zia kamene na le ti wali ti lo. Tongaso, lo gi lege ti kangbi na wali ni na hondengo ni.

Jérémie 3:8

Lo baa so mbi zia Israel-wali-pupulenge awe ndali ti sarango ye ti ndumba ti lo si mbi mu na lo mbeti ti kangbingo tere. Me ita ti lo ti wali Juda-wali-gbanambana asara mbeto oko pepe. Lo nga, lo gue daa ti sara aye ti ndumba.

Ésaïe 50:1

Tënë so *KOTA GBIA atene ayeke so: “Ala tene: mbi tumba Jérusalem, mama ti ala. Me mbeti ti kangbingo tere ni ayeke na ndo wa? Ala fa ni na mbi! Ala tene nga: mbi ka ala na ngbaa ti futa boon na li ti mbi; zo wa laa mbi ka ala na lo, zo wa? Tongana a ka ala, ayeke ndali ti sioni ti ala; tongana a tumba mama ti ala, ayeke ndali ti ngangu li ti ala.

Matthieu 19:6

Tongaso, ala yeke azo use mbeni pepe, me ala ga gi tere oko. Ye so Nzapa abongbi awe, alingbi zo akangbi ni pepe.”

Matthieu 19:8

Jésus akiri tënë na ala: “Ala yeke azo ti kpengbango be, nilaa Moïse amu lege na ala titene ala tumba awali ti ala. Me na tongo nda ni, ye ni ayeke ando tongaso pepe.