Matthieu 19:29 - Mbeti ti Nzapa - Tënë so amu fini

²⁹ Zo so kue azia ada ti lo, a-ita ti lo ti koli, a-ita ti lo ti wali, babâ ti lo, mama ti lo, amolenge ti lo na ayaka ti lo ndali ti mbi, fade lo yeke wara aye so fani ngbangbo oko ahon aye so lo zia si lo yeke wara fini so angba lakue lakue.

Matthieu 19:29 Referans Kwoze

Filipe 3:8

Biani, mbi baa aye so kue ayeke abuba ye tongana mbi haka ni na hingango Jésus Christ, *Kota Gbia ti mbi. Ti hinga Jésus ayeke nzoni ahon ye kue. Ndali ti lo laa mbi zia aye ti mbi kue abuba; mbi baa aye ni kue tongana zende titene mbi wara Christ

Nzoni Tënë so Luc asu na mbeti 14:26

“Tongana zo aga na mbi, alingbi lo ye mbi ahon babâ ti lo, mama ti lo, wali ti lo, amolenge ti lo, a-ita ti lo ti koli na ti wali nga na tere ti lo wani si lo duti disiple ti mbi.

Matthieu 16:25

Biani, zo so aye ti soo fini ti lo, fade lo yeke girisa ni; me zo so ayeke girisa fini ti lo ndali ti mbi, fade lo yeke kiri ti wara ni.

Matthieu 6:33

Ala gi lege ti *Kodro-gbia ti Nzapa kozoni, ala sara nga ye so ayeke mbirimbiri na le ti lo; fade lo yeke mu na ala tanga ti aye kue na ndö ni.

1 Pierre 4:14

Ti ala nzoni, tongana azo ayeke zonga ala ndali ti iri ti Christ!Ti ala nzoni, ngbanga ti so Yingo ti gonda, so ti tene Yingo ti Nzapa, ayeke duti na ndö ti ala!

Matthieu 10:22

Fade azo kue ayeke ke ala ndali ti mbi. Me zo so ayeke gbu ngangu ngbii asi na ndani, fade lo yeke soo kuâ.

Jean 15:19

Tongana ala yeke fade azo ti dunia so, ka dunia ni aye ala ndali ti so ala yeke ti lo. Me mbi soro ala na popo ti azo ti dunia si ala yeke azo ti dunia mbeni pepe. Ndani laa dunia ni ake ala.

Nzoni Tënë so Luc asu na mbeti 6:22

“Ti ala nzoni, ala so azo ake ala, atumba ala, azonga ala si ayeke diko asioni tënë na iri ti ala ndali ti *Molenge ti Zo!

Matthieu 5:11

Ti ala nzoni, ala so azo ayeke zonga ala, ayeke sara ngangu na ala si ayeke tene amara ti asioni tënë ti mvene nde nde na iri ti ala ndali ti mbi!

1 Korente 2:9

Me, tongana ti so Mbeti ti Nzapa atene: “Ye so le ti zo abaa pepe, ye so mê ti zo ama pepe, ye so tënë ni aga na li ti zo pepe, Nzapa aleke ni ndali ti azo so aye lo.”

Awatokua 9:16

Mbi wani laa mbi yeke fa na lo pasi so lo yeke baa ande ndali ti iri ti mbi.”

Matthieu 25:34

Tongaso, fade Gbia ni ayeke tene na azo so ayeke na mbage ti maboko ti lo ti koli: ‘Ala ga, ala so Babâ ti mbi asara tufa na ndö ti ala; ala ga awa ti *Kodro-gbia ti yayu so lo leke ni ndali ti ala ando, ngbene ye so dunia abaa gigi.

Matthieu 19:16

Mbeni koli aga nduru na tere ti Jésus si ahunda lo, atene: “Wafango-ye, nzoni ye ti nyen laa mbi lingbi ti sara titene mbi wara fini so angba lakue lakue?”

Matthieu 13:23

Ambeni zo ayeke tongana nzoni sese so ale ti kobe atuku daa: ala ma tënë ni si ala ma ya ni nzoni. Ala le nzoni: ambeni ale ngbangbo oko, ambeni ale baleomene si ambeni ale baleota.”

2 Korente 5:16

Ndani laa, ti fadeso, e yeke kiri ti baa zo oko na le ti e na bango ndo ti zo pepe. Ataa so e baa Christ ando na le ti e na bango ndo ti zo, ti fadeso e yeke kiri ti baa lo tongaso pepe.

Matthieu 25:46

Fade asioni zo so ayeke gue na ngbanga so angba lakue lakue si azo ti mbirimbiri ayeke gue ti duti na fini so angba lakue lakue.”

Matthieu 13:8

Ambeni le ni atuku na nzoni sese si ala le: ambeni ale ngbangbo oko, ambeni ale baleomene si ambeni ale baleota.”

3 Jean 1:7

Biani, ala yeke tambula ti sara kua ti Christ, ala ke ti wara ye na maboko ti azo ti amara nde.

Nzoni Tënë so Luc asu na mbeti 5:11

So ala kiri na ango ni na yanga ti ngu awe, ala zia aye ti ala kue si ala mu peko ti Jésus.

Jean 4:36

Zo ti fango ale ti kobe ayeke wara futa ti lo fadeso si lo yeke bongbi ale ti kobe ni ndali ti fini so angba lakue lakue. Tongaso zo ti lungo kobe na zo ti fango ale ti kobe ni, ala kue awara ngia legeoko.

Zo ti bongbingo azo 3:6

Ngoi ti gingo ye ayeke daa, ngoi ti girisango ye ayeke daa; ngoi ti batango ye ayeke daa, ngoi ti bingo ye ayeke daa.