Matthieu 19:17 - Mbeti ti Nzapa - Tënë so amu fini

¹⁷ Jésus atene na lo: “Ngbanga ti nyen si mo hunda mbi na ndö ti ye so ayeke nzoni? Gi Nzapa oko laa ayeke nzoni. Tongana mo ye ti li na ndo so azo ayeke duti na fini daa, ayeke nzoni mo sara ye alingbi na andia ti Nzapa.”

Matthieu 19:17 Referans Kwoze

Awayango-sandaga 18:5

“Ala bata andia ti mbi na atënë ti ndia ti mbi; zo so asara ye alingbi na ni, fade lo yeke duti na fini ndali ni. Mbi laa mbi yeke KOTA GBIA.

Rome 10:5

Na ndö ti tënë ti gango mbirimbiri na lege ti sarango ye so Ndia afa, Moïse asu na mbeti, atene: “Zo so asara ye alingbi na atënë ti ndia, fade lo yeke na fini ndali ni.”

1 Samuel 2:2

KOTA GBIA oko laa ayeke nde si ayeke nzoni kue, mbeni zo ti bata e tongana lo ayeke daa pepe; lo yeke oko kota têne so e luti na ndö ni ti bata tere ti e; mbeni nzapa nde tongana lo ayeke daa pepe.

1 Jean 4:16

Ti e, e hinga so Nzapa aye e, nilaa e zia be ti e daa. Nzapa ayeke ndoye. Zo so angba na lege ti ndoye, lo na Nzapa angba ti duti oko biani.

Ezekiel 20:21

Me amolenge ti ala ni atomboka na tere ti mbi. Ala sara ye alingbi na andia ti mbi pepe, ala sara ye pepe na lege ti asarango ye so mbi fa; ala sara ye alingbi na ni pepe. Andaa zo ayeke duti na fini tongana lo sara ye alingbi na aye ni so. Ala sara si lango ti wungo tere aga sioni. Tongaso mbi tene: Na benyama, fade mbi yeke tuku ngonzo ti mbi ti wâ na ndö ti ala ngbii be ti mbi ade si.

Néhémie 9:29

Mo mu wango na ala titene ala kiri na gbe ti *Ndia ti mo; me na lege ti kuru baba ti ala, ala ma atënë ti ndia ti mo pepe. Ala sara siokpari ti ke andia ti mo, ataa so andia ni ayeke mu fini na azo so asara ye alingbi na ni. Akotara ti e angba ti sara ngangu li, ala tomboka na tere ti mo, ala ke ti ma yanga ti mo.

Jacques 1:17

Nzoni ye so kue zo ayeke wara gi senge senge na matabisi so kue ayeke nzoni alondo na yayu, na maboko ti Nzapa, lo so lo sara ye so kue ayeke su na le ti nduzu. Lo yeke sanze pepe, lo yeke yingi pepe si vukongo ndo ayeke na mbage ti lo oko pepe, tongana lo turne tere ti lo.

Abia (Psaumes) 52:1

Bia so ayeke ndali ti makonzi-bia; bia ti fango ye na zo; bia ti David.

Abia (Psaumes) 119:68

Mo yeke nzoni si mo yeke sara nzoni na azo; fa na mbi ambela ti mo.