Matthieu 18:3 - Mbeti ti Nzapa - Tënë so amu fini

³ si lo tene na ala: “Mbi tene na ala taa-tënë: tongana be ti ala akiri aga tongana ti akete molenge pepe, ala yeke li na Kodro-gbia ti yayu pepe.

Matthieu 18:3 Referans Kwoze

1 Pierre 2:2

Ala duti tongana akete molenge so a du ala fafadeso: alingbi nzara ti tënë ti Nzapa asara ala tongana ti so nzara ti nyongo me ayeke sara kete molenge; tënë ti Nzapa so sioni ye oko ayeke daa pepe. Tongaso, na lege ni, fade ala yeke ga kota si ala soo kuâ.

Matthieu 19:14

Tongaso Jésus atene na ala: “Ala zia akete molenge aga na mbi, ala kanga lege na ala pepe, ngbanga ti so *Kodro-gbia ti yayu ayeke ndali ti azo so ayeke tongana amolenge so.”

1 Korente 14:20

A-ita, ayeke nzoni gbungo-li ti ala ayeke tongana ti amolenge pepe. Tongana ayeke tënë ti sarango sioni, ala ga tongana akete molenge so ahinga ti sara sioni pepe; me ayeke nzoni gbungo-li ti ala ayeke tongana ti akota zo.

Abia (Psaumes) 131:2

Me mbi kai si mbi duti kpoo tongana molenge so ayeke na kate ti mama ti lo, lo nyon me, ya ti lo asi. Be ti mbi ade tongana ti molenge so.

Jean 3:5

Jésus akiri tënë na lo: “Biani, mbi tene na mo taa-tënë: tongana a du zo na ngu na Yingo pepe, zo ni alingbi ti li na Kodro-gbia ti Nzapa pepe.

Jean 3:3

Jésus akiri tënë na lo: “Biani, mbi tene na mo taa-tënë: tongana a kiri a du zo pepe, lo lingbi ti baa *Kodro-gbia ti Nzapa pepe.”

Nzoni Tënë so Luc asu na mbeti 13:24

“Ala sara ngangu ti li na kete yanga ti da ni! Biani, mbi tene na ala, fade azo mingi ayeke gi lege ti li daa, me ala yeke sara gbaa.

Awatokua 3:19

Tongaso, ala zia ngbene lege ti sarango ye ti ala, ala kiri na lege ti Nzapa, tongaso si lo zi siokpari ti ala.

Awatokua 28:27

Biani, be ti azo so akpengba, ala kanga mê ti ala, ala kanga le ti ala titene ala baa ndo pepe si ala ma ndo pepe. Nilaa ala ma ya ti atënë pepe si ala zia ngbene lege ti sarango ye ti ala pepe, tongaso si mbi kai kobela ti ala pepe.’ ”

Jean 1:51

Jésus akiri atene: “Biani, mbi tene na ala taa-tënë: fade ala yeke baa yanga ti yayu azi si *a-ange ti Nzapa ayeke ma na nduzu si ala yeke zu na ndö ti *Molenge ti Zo.”

Matthieu 5:20

Mbi tene na ala: tongana ala sara ye ti mbirimbiri ahon ti awafango-ndia na ti *afarizien pepe, fade ala yeke li na ya ti Kodro-gbia ti yayu pepe.”

Nzoni Tënë so Luc asu na mbeti 22:32

Me mbi sambela ngbanga ti mo si mabe ti mo ati pepe. Tongana mo kiri ande na mbage ti mbi, ayeke nzoni mo sara titene a-ita ti mo akpengba.”

Marc 4:12

titene: ‘ala yeke baa ndo, me ala yeke baa ye pepe; ala yeke ma ndo, me ala yeke ma ya ti atënë ni pepe, ngbanga ti ala yeke zia ngbene lege ti sarango ye ti ala si Nzapa azi tënë na li ti ala.’ ”

2 Pierre 1:11

Tongaso, fade a yeke zi lege na ala polele ti li na ya ti Kodro-gbia ti Kota Gbia ti e na Wasongo e, Jésus Christ; kodro so ayeke ngba kpu na kpu.

Awatokua 14:22

Na ya ti agbata ni, ala mu ngangu na be ti adisiple, ala mu na ala wango titene ala ngba lakue na lege ti mabe, ala tene nga na azo ni, atene: “Alingbi e baa pasi mingi ti li na *Kodro-gbia ti Nzapa.”

Matthieu 19:23

Jésus atene na adisiple ti lo: “Mbi tene na ala taa-tënë: ayeke ngangu na zo ti mosoro ti li na ya ti *Kodro-gbia ti yayu.

Matthieu 13:15

Biani, be ti azo ni akpengba; ala kanga mê ti ala, ala kanga le ti ala titene ala baa ndo pepe, titene ala ma ndo pepe, titene ala ma ya ti atënë pepe si ala zia pepe ngbene lege ti sarango ye ti ala, tongaso si mbi kai kobela ti ala.’

Matthieu 6:16

“Tongana ala yeke ke kobe ti sambela, ala duti na vundu pepe tongana ti azo so tënë ti yanga ti ala ayeke nde na sarango ye ti ala: azo ni ayeke sara le ti ala kirikiri ti fa na azo atene, ala yeke ke kobe ti sambela. Mbi tene na ala taa-tënë: azo ni awara ti ala futa ni awe.

Matthieu 6:5

“Tongana ala yeke sambela, ala sara tongana azo so tënë ti yanga ti ala ayeke nde na sarango ye ti ala so pepe: azo ni aye ti luti na nduzu ti sambela na ya ti ada ti sambelango Nzapa nga na asangbi-lege titene azo abaa ala. Mbi tene na ala taa-tënë: azo ni awara futa ti ala awe.

Ésaïe 6:10

Mo sara si be ti azo ni akpengba, mo sara si mê ti ala na le ti ala akanga; mo sara si ala baa ndo pepe, ala ma ndo pepe. Tongaso si tënë ali be ti ala pepe, ala zia ngbene lege ti sarango ye ti ala pepe, ala kiri na mbi pepe si kobela ti ala akai pepe.”

Matthieu 6:2

Tongana mo yeke mu ye na azo ti mawa, ayeke nzoni mo dekongo na tënë ni pepe, tongana ti azo so tënë ti yanga ti ala ayeke nde na sarango ye ti ala: azo ni ayeke sara tongaso na ya ti ada ti sambelango Nzapa nga na be ti lege titene azo agonda ala. Mbi tene na ala taa-tënë: azo ni so awara ti ala futa ni awe.

Matthieu 5:18

Mbi tene na ala taa-tënë: kozoni si yayu na sese ahon, fade gere ti mbeti ti Ndia wala mbeni kete ye ti tere ni oko ayeke hon pepe, ngbii asi na nda ti aye kue.

Matthieu 18:2

Jésus airi mbeni kete molenge, lo zia lo na popo ti ala

Matthieu 18:4

Kota zo ti Kodro-gbia ti yayu ayeke zo so asara tere ti lo kete si lo ga tongana molenge so.