Matthieu 17:4 - Mbeti ti Nzapa - Tënë so amu fini

⁴ Pierre atene na Jésus: “*Kota Gbia, ayeke nzoni e ngba na ndo so! Tongana mo ye, fade mbi leke agbefa ota na ndo so: oko ti mo, oko ti Moïse, oko ti Élie.”

Matthieu 17:4 Referans Kwoze

Nzoni Tënë so Luc asu na mbeti 9:33

So akoli use so alondo na tere ti Jésus ti hon, Pierre atene na lo: “Wafango ye, ayeke nzoni e ngba na ndo so. E leke agbefa ota: oko ti mo, oko ti Moïse, oko ti Élie.” Me lo hinga nda ti tënë so lo yeke tene so pepe.

Jean 17:24

Babâ, mo laa mo mu ala na mbi. Mbi ye titene ala duti na mbi na ndo so mbi yeke daa si ala baa gonda so mo gonda na mbi, ngbanga ti so mo ye mbi kozo si dunia abaa gigi.

Ésaïe 33:17

Fade le ti mo ayeke baa gbia na ya ti pendere ti lo, mo yeke baa kota le ti sese ni kue.

Abia (Psaumes) 16:11

Mo yeke fa na mbi lege ti duti na fini; na dawa ti mo, ngia asi singo, na mbage ti maboko ti mo ti koli, anzerengo ye ayeke daa kpu na kpu!

Abia (Psaumes) 4:6

Ala mu asandaga so alingbi na tënë ti ndia, ala zia be ti ala kue na ndö ti KOTA GBIA.

Aye so Nzapa afa 21:23

Gbata ni aku titene lâ wala nze asu na ya ni pepe, ngbanga ti so gonda ti Nzapa ayeke su na ya ni si Molenge ti Taba ayeke sara titene ndo ni avuru.

1 Jean 3:2

A-ita ti mbi so mbi ye ala mingi, fadeso e yeke amolenge ti Nzapa, me dutingo ti e ti gbanda angba na hondengo ni. Me e hinga, e tene, tongana Christ asi ande, e yeke ga tongana lo, ngbanga ti so e yeke baa taa lo wani.

Filipe 1:23

Be ti mbi ayeke use use: mbi yeke na nzara ti gue ti duti na tere ti Christ, so laa ayeke nzoni ahon ye kue.

Zakarii 9:17

So nzoni dutingo na ala ande! So pendere na ala! Fade ale ti *ble ayeke mu ngangu na amaseka-koli, fini vin ayeke mu ngangu na amaseka-wali.

Matthieu 17:3

Ala baa Moïse na Élie so ayeke tene tënë na Jésus.

Jean 7:2

Matanga ti azuife so ayeke matanga ti Akpangba aga nduru awe.