Matthieu 16:8 - Mbeti ti Nzapa - Tënë so amu fini

⁸ Jésus ahinga tënë so ala yeke tene na popo ti ala si lo hunda ala, lo tene: “Ala azo ti kete mabe, tënë ti nyen laa ala yeke tene na popo ti ala na ndö ti tënë ti mapa so ala yeke na ni pepe so?

Matthieu 16:8 Referans Kwoze

Matthieu 6:30

Apere so ayeke laso na ya ti ngonda si kekereke a yeke tuku ni na le ti wâ so, Nzapa aleke ni pendere. Ala azo ti kete mabe, Nzapa alingbi ti sara si ala wara bongo pepe?

Matthieu 14:31

Gi hio tongaso, Jésus ayoro maboko ti lo, agbu lo si atene na lo: “Mo, zo ti kete mabe, mo dekite ngbanga ti nyen?”

Marc 16:14

Ti hunzi na ni, Jésus afa tere ti lo na adisiple ti lo baleoko na oko na ndembe so ala yeke te kobe. Lo suku na ala, ngbanga ti so ala dekite, ala kpengba be ti ala si ala ke ti yeda na tënë ti azo so abaa lo na peko ti so lo zingo na kuâ.

Matthieu 8:26

Jésus atene na ala: “Ala azo ti kete mabe, mbeto agbu ala ngbanga ti nyen?” Na pekoni, lo londo, lo suku na pupu nga na amapo ni si ndo ade ngii.

Aye so Nzapa afa 2:23

Fade mbi yeke fâ azo so kue ayeke mu peko ti wali ni. Na pekoni, a-Eglize kue ayeke hinga atene, mbi yeke lo so lo hinga tënë so ayeke na ya ti be ti zo nga na nzara ti be ti zo. Fade mbi yeke futa zo oko oko alingbi na ye so lo sara.

Ahebro 4:13

Ye so kue Nzapa asara, mbeni oko so ahonde na le ti lo ayeke daa pepe. Ye kue ayeke na gbe ti le ti lo polele; ye so kue e yeke sara, fade e yeke fa peko ni na lo.

Jean 16:30

Ti fadeso, e hinga, e tene, mo hinga ye kue, mo lingbi titene zo akiri ahunda mo na mbeni tënë pepe. Ndani laa e ma na be so, mo londo na Nzapa si mo ga.”

Matthieu 16:7

Adisiple atene na popo ti ala: “Lo yeke tene tënë so, ngbanga ti so e mu mapa pepe.”