Matthieu 16:20 - Mbeti ti Nzapa - Tënë so amu fini

²⁰ Na pekoni, Jésus amu yanga na adisiple ti lo, atene: “Ala tene na zo pepe atene, mbi yeke *Mesii.”

Matthieu 16:20 Referans Kwoze

Marc 8:30

Tongaso Jésus agboto mê ti ala ngangu ti tene tënë ni na zo oko pepe.

Nzoni Tënë so Luc asu na mbeti 9:21

Jésus asuku na ala ngangu titene ala tene tënë ni na zo oko pepe.

Jean 1:41

Kozo zo so André awara lo ayeke ita ti lo Simon; André atene na lo: “E wara *Mesii awe.” – Nda ti Mesii atene “Christ”. –

Matthieu 17:9

So ala londo na li ti hoto ni si ala yeke zu, Jésus amu yanga na ala, atene: “Ala tene tënë ti ye so ala baa so na zo oko pepe; ala ku ngbii na ngoi so *Molenge ti Zo ayeke zingo ande na kuâ.”

Nzoni Tënë so Luc asu na mbeti 9:36

Na peko ti tënë so ala ma so, Jésus angba gi lo oko. Adisiple azi yanga oko pepe si na ya ti alango ni so ala tene tënë ti aye so ala baa ni so na zo oko pepe.

Matthieu 8:4

Na pekoni, Jésus atene na lo: “Ma mbi nzoni! Mo tene tënë ni na zo oko pepe; me mo gue, mo fa tere ti mo na wayango-sandaga titene lo baa mo, mo mu *sandaga so Moïse amu ando yanga ti mungo ni so, tongaso si mo fa na le ti azo kue so, tere ti mo aga nzoni awe.”

1 Jean 5:1

Zo so kue ama na be so Jésus ayeke Christ, lo yeke molenge ti Nzapa; zo so kue aye Nzapa Babâ, lo ye nga amolenge ti lo.

1 Jean 2:22

Tongaso, zo wa laa ayeke zo ti mvene, zo wa? Zo ti mvene ayeke lo so atene, Jésus ayeke Christ pepe. Zo so ayeke wato ti Christ, lo ke Babâ na Molenge ni kue.

Awatokua 2:36

“Ayeke nzoni azo ti Israel kue ahinga tënë so mbirimbiri: Jésus so ala fâ lo na ndö ti keke ti kroa so, Nzapa asara si lo ga Kota Gbia na Mesii!”

Jean 20:31

Me ti ambeni ye ti kpene so a su tënë ni na mbeti so, a su ni titene ala ma na be so, Jésus ayeke *Mesii, Molenge ti Nzapa. Tongana ala ma na be, fade ala yeke duti na fini na lege ti lo.

Jean 1:45

Na pekoni, Philippe awara Natanael si lo tene na lo: “Zo so ando Moïse atene tënë ti lo na ya ti mbeti ti *Ndia so, lo so nga awayanga-Nzapa atene tënë ti lo so, e wara lo awe. Zo ni ayeke Jésus, molenge ti Joseph, zo ti Nazaret.”

Marc 9:9

So ala londo na ndö ti hoto ni si ala yeke zu, Jésus amu yanga na ala, atene: “Ala tene tënë ti ye so ala baa so na zo oko pepe, ngbii asi na ngoi so *Molenge ti Zo ayeke zingo ande na kuâ.”

Matthieu 1:16

Jacob adu Joseph, koli ti Marie, mama ti Jésus, lo so a iri lo *Mesii.

Matthieu 16:16

Simon Pierre akiri tënë: “Mo yeke *Mesii, Molenge ti Nzapa so ayeke na fini.”

Nzoni Tënë so Luc asu na mbeti 2:11

Laso, na ya ti gbata ti David, a du na ala Wasongo-zo awe; lo yeke Christ, Kota Gbia.

Jean 11:27

Marthe akiri tënë, atene: “Biani, Kota Gbia! Mbi ma na be so mo yeke *Mesii, Molenge ti Nzapa so aga na dunia so.”