Matthieu 15:4 - Mbeti ti Nzapa - Tënë so amu fini

⁴ Nzapa atene: ‘Mo ne babâ na mama ti mo.’ Lo kiri lo tene: ‘Zo so atene sioni tënë na tere ti babâ ti lo wala mama ti lo, lo lingbi na kuâ.’

Matthieu 15:4 Referans Kwoze

Sigingo 20:12

“Alingbi mo ne babâ ti mo na mama ti mo, tongaso si gigi ti mo ayo na ndö ti sese so mbi KOTA GBIA Nzapa ti mo, mbi mu na mo.

Awayango-sandaga 20:9

“Tongana mbeni zo adeba babâ ti lo wala mama ti lo, alingbi a fâ lo. Ngbanga ti mene ti lo akiri na li ti lo wani, ngbanga ti so lo deba babâ ti lo na mama ti lo.

Sigingo 21:17

“Zo so adeba babâ ti lo wala mama ti lo, alingbi ala fâ lo.”

Ndia ti fani use ni 5:16

“Alingbi mo ne babâ na mama ti mo, tongana ti so mbi KOTA GBIA, mbi mu yanga na mo. Tongaso si gigi ti mo ague, ayo si mo yeke duti nzoni na sese so mbi KOTA GBIA Nzapa ti mo, mbi mu na mo.

Amato 23:22

Mo ma babâ ti mo; lo laa lo du mo. Ataa mama ti mo aga mbakoro, mo baa lo tongana mbumbuse zo pepe.

Awayango-sandaga 19:3

“Alingbi zo oko oko akpe mbeto ti babâ ti lo na mama ti lo. Alingbi zo oko oko abata *lango ti wungo tere. Mbi laa mbi yeke KOTA GBIA, Nzapa ti ala.

Matthieu 19:19

alingbi mo ne babâ ti mo na mama ti mo; alingbi mo ye nga mba ti mo zo tongana ti so mo ye tere ti mo wani.”

Efeze 6:1

Amolenge, ye so *Kota Gbia aye ayeke titene ala ma yanga ti ababâ na amama ti ala; so sarango ye ti mbirimbiri laa.

Amato 20:20

Zo so adeba babâ na mama ti lo, fini ti lo akpa lamba so amingo na bi.

Ndia ti fani use ni 27:16

‘Deba aga na ndö ti zo so abaa babâ na mama ti lo tongana ambumbuse zo!’ Fade azo kue ayeke kiri tënë, atene: ‘Amen!’

Rome 3:31

Tongaso, na lege ti mabe, e yeke baa Ndia tongana senge ye? Oko pepe! Me e mu nengo na Ndia.

Amato 30:17

Zo so ahe babâ ti lo si lo ke ti ma yanga ti mama ti lo, fade *akpakpo ti tere ti ngu ayeke koro le ti lo si *angoalo ayeke te lo.

Matthieu 4:10

Jésus atene na lo: “Hon kâ, Satan! Mbeti ti Nzapa atene: ‘Mo voro Kota Gbia, Nzapa ti mo si mo sara kua gi na lo oko!’ ”

Ésaïe 8:20

fade ala yeke kiri tënë na ala, atene: “E yeke kiri gi na ndö ti wango ti KOTA GBIA na tënë so lo tene.” Zo so atene tënë tongaso pepe, fade lo yeke baa lumiere ti ndaperere pepe.

Matthieu 15:3

Jésus akiri tënë na ala, atene: “Ka ala, ngbanga ti nyen si ala ke yanga ti Nzapa ti sara gi ye ti akotara ti ala so?

Matthieu 15:5

Me ti ala, ala tene: ‘Zo so atene na babâ wala mama ti lo, atene: Mbi ye fade ti mu ye na mo ti sara nzoni na mo, me mbi zia ni nde ti mu na Nzapa,