Matthieu 14:3 - Mbeti ti Nzapa - Tënë so amu fini

³ Andaa Herode amu lani yanga na azo titene ala gbu Jean, akanga lo na zingiri si abi lo na da ti kanga. Herode akanga lo ndali ti Herodiade, wali ti ita ti lo Philippe.

Matthieu 14:3 Referans Kwoze

Marc 6:17

Biani, Herode amu ando yanga lo wani titene a gbu Jean, a kanga lo na zingiri si a bi lo na da ti kanga. Herode asara ye so ndali ti Herodiade, wali ti ita ti lo Philippe; Herode akiri amu Herodiade ti ga wali ti lo.

Matthieu 4:12

So Jésus ama a tene, a gbu Jean si a zia lo na da ti kanga awe, lo gboto tere ti lo si lo gue na Galile.

Marc 6:22

Molenge ti Herodiade ti wali ali na ya ti da ni si lo to nda ti dodo. Lo zia ngia na be ti Herode nga na azo so lo tisa ala. Tongaso gbia atene na molenge-wali ni, atene: “Hunda na mbi ye ti be ti mo, fade mbi yeke mu ni na mo.”

Marc 6:19

Be ti Herodiade ake Jean mingi si lo ye titene a fâ lo, me lo wara lege ni pepe.

Matthieu 11:2

Andaa Jean-Baptiste angba na da ti kanga, lo ma tënë ti aye so Christ asara. Tongaso lo tokua ambeni disiple ti lo

Nzoni Tënë so Luc asu na mbeti 13:1

Gi na ndembe ni so, ambeni zo aga atene na Jésus tënë ti azo ti Galile so Pilate afâ ala na ndembe so ala yeke mu *sandaga ti anyama na Nzapa.

Matthieu 14:6

Na lango ti matanga ti dungo Herode, molenge ti Herodiade ti wali adodo na le ti azo so Herode atisa ala. Lo zia ngia mingi na be ti Herode.

Marc 6:14

Gbia Herode ama tënë ti Jésus, ngbanga ti so iri ti lo awu amu ndo kue. Ambeni zo atene: “Jean-Baptiste azingo na kuâ awe! Ndani laa, lo yeke na ngangu ti sara na aye ti kpene so.”

Marc 8:15

Jésus amu yanga na ala, atene: “Ala sara hange! Le ti ala akpengba na mama ti mapa ti *afarizien na ti Herode!”

Nzoni Tënë so Luc asu na mbeti 3:1

Na ngu baleoko na oku so Tibere ayeke kota gbia ti Rome, Ponse Pilate ayeke govoronere na sese ti Judée, Herode, kota komanda na sese ti Galile, ita ti lo Philippe ayeke kota komanda na sese ti Iture na ti Trakonite si Lisanias ayeke kota komanda na sese ti Abilene;

Nzoni Tënë so Luc asu na mbeti 8:3

lo na Jeanne, wali ti Kuza, wabatango aye ti Herode, na Suzanne na ambeni wali mingi so ayeke mu ye ti ala wani ti mu maboko na Jésus na adisiple ti lo.

Nzoni Tënë so Luc asu na mbeti 13:31

Na ndembe ni so, ambeni *farizien aga na tere ti Jésus si ala tene na lo: “Londo na ndo so, mo gue na mbeni ndo nde, ngbanga ti so Herode ayeke gi lege ti fâ mo.”

Nzoni Tënë so Luc asu na mbeti 23:7

So lo ma a tene, lo yeke zo ti sese so Herode ayeke sara komandema na ndö ni, lo tokua lo na Herode so ayeke nga na ndembe ni so na Jérusalem.

Nzoni Tënë so Luc asu na mbeti 23:11

Herode na aturugu ti lo ahe Jésus na ngia si ala sara lo tongana buba zo. Ala yu na lo mbeni bongo so aza zango si ala kiri atokua lo na Pilate.

Awatokua 4:27

“Biani, Herode na Ponse Pilate, ala na azo ti amara nde na azo ti Israel abongbi tere na ya ti gbata so, ala leke tënë na tere ti Jésus, zo ti kua ti mo so ayeke nde si ayeke nzoni kue so, lo so mo mu lo ti ga Mesii.

Awatokua 12:1

Na ngoi ni so, gbia Herode ato nda ti sara pasi na ambeni zo ti *Eglize.