Matthieu 14:23 - Mbeti ti Nzapa - Tënë so amu fini

²³ So lo zia lege na ala si ala gue awe, lo gue na li ti hoto yongoro kâ ti sambela. So ndo avuko awe, lo ngba ti duti kâ gi lo oko.

Matthieu 14:23 Referans Kwoze

Nzoni Tënë so Luc asu na mbeti 6:12

Mbeni lâ, Jésus ague na li ti mbeni hoto ti sambela; lo sambela Nzapa na bi ni so kue.

Marc 6:46

So lo zia lege na ala si ala gue awe, lo gue na li ti mbeni hoto ti sambela.

Matthieu 26:36

Jésus na adisiple ti lo asi na mbeni ndo so iri ni Getsemane si lo tene na ala: “Ala duti na ndo so, mbi yeke gue kâ ti sambela.”

Matthieu 6:6

Ti mo, tongana mo ye ti sambela, mo li na ya ti kubu ti mo, mo kanga yanga ti kubu ni si mo sambela Babâ ti mo so zo ayeke baa lo pepe. Fade Babâ ti mo so ayeke baa ye so mo yeke sara na hondengo ni ayeke mu na mo ye ti peko ni.

Awatokua 6:4

Ti e, fade e yeke mu tere ti e kue ti sambela, ti sara kua ti fango tënë ti Nzapa.”

Nzoni Tënë so Luc asu na mbeti 9:28

Nduru na lango miombe na peko ti tënë so, Jésus amu Pierre, Jean na Jacques na tere ti lo si lo na ala ague na li ti hoto ti sambela.

Marc 1:35

Na ndaperere, so ndo angba kâ, Jésus azingo, lo sigigi na ya ti gbata ni si lo gue ti sambela na mbeni ndo so zo ayeke daa pepe.

Nzoni Tënë so Luc asu na mbeti 3:21

So azo kue awara bateme awe, Jésus nga aga si lo wara bateme. So lo yeke sambela, yanga ti yayu azi,

Nzoni Tënë so Luc asu na mbeti 5:16

Me Jésus agboto tere ti lo, lo gue na mbeni ndo so zo ayeke daa pepe si lo sambela.

Nzoni Tënë so Luc asu na mbeti 9:18

Mbeni lâ, Jésus agboto tere ti lo, lo gue na mbeni ndo si lo yeke sambela; adisiple ti lo ayeke na tere ti lo. Lo hunda ala, lo tene: “Gba ti azo so ayeke tene mbi yeke zo wa?”