Matthieu 13:57 - Mbeti ti Nzapa - Tënë so amu fini

⁵⁷ Aye so kue asara si ala ma na be na lo pepe. Nilaa Jésus atene na ala: “Na ndo kue, azo ayeke ne wayanga-Nzapa; me na ya ti gbata so adu lo daa, wala na popo ti asewa ti lo, azo ayeke ne lo pepe.”

Matthieu 13:57 Referans Kwoze

Jean 4:44

Lo wani, lo tene na yanga ti lo, lo tene: “Azo ayeke ne wayanga-Nzapa na taa kodro ti lo pepe.”

Matthieu 11:6

Ti lo nzoni, zo so azia lege ti mabe ti lo pepe ndali ti mbi!”

Nzoni Tënë so Luc asu na mbeti 4:24

Jésus akiri atene: “Mbi tene na ala taa-tënë: azo ayeke yamba wayanga-Nzapa pepe na gbata so a du lo daa.

Jean 6:61

Me Jésus ahinga so, adisiple ti lo ayeke kasa lo na gbe ti go ti ala ngbanga ti tënë so. Ndani laa lo hunda ala, lo tene: “Tënë so aso be ti ala?

Ésaïe 53:3

Azo abaa lo tongana mbumbuse zo, azo ado lo azia. Lo yeke zo so ye aso lo, lo hinga ye so iri ni pasi. Lo kpa zo so mbeni zo alingbi ti baa lo na le fani use pepe. E baa lo tongana mbumbuse zo, e ne lo oko pepe.

Jean 6:42

Ala hunda tere ti ala, atene: “So Jésus, molenge ti Joseph, so e hinga babâ ti lo na mama ti lo so laa pepe? Tongana nyen laa fadeso lo tene: ‘Mbi londo na yayu si mbi ga so?’”

Nzoni Tënë so Luc asu na mbeti 7:23

Ti lo nzoni, lo so lo ma na be na mbi awe si lo kiri lo zia lege ni pepe!”

Ésaïe 49:7

Mo so lani azo abaa mo tongana mbumbuse zo, so be ti azo kue ake mo, mo so mo yeke ngbaa ti azo ti sarango ngangu na zo, *KOTA GBIA, lo so lo zi azo ti lo, Nzapa ti Israel so ayeke nde si ayeke nzoni kue, tënë so lo tene na mo ayeke so: “Tongana agbia ayeke baa ande mo, ala yeke londo na ndö ti mbata ti ala; tongana amakonzi ayeke baa mo, ala yeke kuku akpo li ti ala na sese na dawa ti mo.” Ye ni ayeke si ndali ti KOTA GBIA so ayeke sara ye alingbi na tënë ti yanga ti lo, ndali ti Nzapa ti Israel so ayeke nde si ayeke nzoni kue, lo so lo soro mo.

Ésaïe 8:14

Ndali ti akodro-gbia use ti Israel, lo yeke duti ndo so a zia ni nde ndali ti Nzapa, lo yeke duti têne so azo ayeke pika gere ti ala daa, kota têne so ayeke sara titene azo ati, gbanda na kuku ndali ti azo so alango na Jérusalem.

Marc 6:14

Gbia Herode ama tënë ti Jésus, ngbanga ti so iri ti lo awu amu ndo kue. Ambeni zo atene: “Jean-Baptiste azingo na kuâ awe! Ndani laa, lo yeke na ngangu ti sara na aye ti kpene so.”

Marc 6:3

Sarapande so laa pepe? So molenge ti Marie laa pepe? Ita ti Jacques, na Yozes, na Jude na Simon so laa pepe? A-ita ti lo ti wali ayeke na popo ti e ge pepe?” Ye so asara si azo ni ake ti ma na be na lo.

Matthieu 13:58

Jésus asara aye ti kpene mingi na ndo so pepe, ngbanga ti so azo ni ama na be pepe.

Marc 6:1

Jésus alondo na ndo so si lo kiri na gbata so lo kono daa. Adisiple ti lo amu peko ti lo.

Marc 6:4

Jésus atene na ala: “Na ndo kue azo ayeke ne awayanga-Nzapa, me na gbata so a du lo daa, wala na ya ti sewa ti lo, wala na ya ti da ti lo, azo ayeke ne lo pepe.”