Matthieu 13:54 - Mbeti ti Nzapa - Tënë so amu fini

⁵⁴ Lo gue na Nazaret, gbata so lo kono daa si lo yeke fa ye na azo ti gbata ni na ya ti da ti sambelango Nzapa ti ala. Li ti azo ni kue akpe si ala yeke hunda ndo, atene: “Lo wara ndara so na ndo wa? Lo wara ngangu ti sarango aye ti kpene so na ndo wa?

Matthieu 13:54 Referans Kwoze

Matthieu 7:28

So Jésus atene tënë so awe, li ti azo so abongbi kâ akpe ndali ti fango ye ti lo.

Matthieu 4:23

Jésus atambula na ya ti Galile kue; lo fa ye na azo na ya ti ada ti sambelango Nzapa ti kodro ni, lo fa Nzoni Tënë ti *Kodro-gbia ti yayu, lo kai akobela kue na tere ti azo, lo sara si azo so mbage ti tere ti ala abuba, aga nzoni.

Matthieu 2:23

Lo gue, lo duti na mbeni gbata so iri ni Nazaret. Ye ni asi tongaso titene tënë ti awayanga-Nzapa aga taa-tënë; ala tene ando, atene: “Fade a yeke iri lo, zo ti Nazaret.”

Abia (Psaumes) 22:22

Mo zi mbi na yanga ti bamara, mo zi mbi na le ti didi ti angbä! Âa! KOTA GBIA, mo ma mbi awe!

Awatokua 13:46

Tongaso Paul na Barnabas akiri atene na ala polele, atene: “Ala fade laa, e lingbi ti fa tënë ti Nzapa na ala kozoni. Me ndali ti so ala ke ni awe si ala wani abaa tere ti ala atene, fini so angba lakue lakue, ala lingbi na ni pepe, e yeke zia ala ti gue na mbage ti azo ti amara nde.

Awatokua 4:13

So azo ti fango ngbanga ni abaa Pierre na Jean ayeke tene tënë na mbeto pepe si ala hinga nga atene, ala yeke gi asenge zo so amanda mbeti pepe, li ti ala kue akpe. Ala hinga atene, akoli so ayeke ando na tere ti Jésus.

Jean 1:11

Lo ga na taa kodro ti lo, me azo ti kodro ti lo ayamba lo pepe.

1 Samuel 10:11

Azo so kue ahinga lo kozoni ayeke baa lo na sarango ye tongana awayanga-Nzapa; ala hunda tere ti ala, atene: “Nyen laa asi na molenge ti Kish so? Saul nga aga wayanga-Nzapa awe?”

Nzoni Tënë so Luc asu na mbeti 2:47

Azo so kue ayeke ma lo, li ti ala kue akpe ndali ti hingango ye ti lo nga ndali ti atënë so lo yeke kiri na ni na ala.