Matthieu 12:7 - Mbeti ti Nzapa - Tënë so amu fini

⁷ Tongana ala hinga fade nda ti tënë so Mbeti ti Nzapa atene: ‘Mbi ye si zo abaa mawa ti mba ti lo, me mbi ke tënë ti sandaga ti anyama’, ka ala lingbi pepe ti fâ ngbanga na li ti azo so asara sioni pepe so.

Matthieu 12:7 Referans Kwoze

Osée 6:6

Biani, ye so anzere na be ti mbi ayeke yengo mbi, me mbi ke tënë ti *sandaga ti anyama. Mbi ye hingango Nzapa ahon sandaga so a yeke gbi ni kue na wâ.”

Matthieu 9:13

Ala gue, agi ti hinga nda ti tënë so atene: ‘Mbi ye si zo abaa mawa ti amba ti lo, me mbi ke tënë ti *sandaga ti anyama.’ Mbi ga ti iri azo ti mbirimbiri pepe, me mbi ga ti iri azo ti siokpari.”

Amato 17:15

Zo so amu mbeni zo so tënë ayeke na li ti lo tongana zo ti mbirimbiri, lo na zo so amu zo ti mbirimbiri tongana zo so tënë ayeke na li ti lo, ala use kue, be ti KOTA GBIA ake ala mingi.

Awatokua 13:27

Biani, azo ti Jérusalem na amakonzi ti gbata ni ake ti hinga Jésus, ala fâ ngbanga ti kuâ na li ti lo; tënë ti awayanga-Nzapa so ala yeke diko lakue na lango ti wungo tere so aga taa-tënë.

Matthieu 22:29

Jésus akiri tënë na ala: “Ala girisa lege awe, ngbanga ti so ala hinga nda ti Mbeti ti Nzapa wala ngangu ti Nzapa pepe.

Abia (Psaumes) 94:21

Ala bongbi ti sara sioni na zo ti mbirimbiri, ala fâ ngbanga ti kuâ na li ti zo so tënë ayeke na li ti lo pepe.

Jacques 5:6

Zo so asara ye ti sioni pepe, ala fâ ngbanga na li ti lo si ala fâ lo; me lo wara ngangu ti zi yanga ti lo na ala oko pepe.

Abia (Psaumes) 109:31

Biani, lo luti na mbage ti maboko ti koli ti zo ti mawa titene lo soo lo na maboko ti azo so aye ti fâ ngbanga na li ti lo.

Mbeti ti Job 32:3

Ngonzo ti Elihu alondo nga na tere ti amba ti Job ota, ngbanga ti so ala wara tënë ti kiri na ni na Job pepe; ala baa ti ala atene, Nzapa laa asara siokpari.

1 Samuel 15:22

Samuel akiri atene: “Asandaga so a yeke gbi ni kue na wâ nga na ambeni sandaga anzere na be ti KOTA GBIA ahon mango yanga ti lo? Mango yanga ayeke nzoni mingi ahon asandaga; mango tënë ayeke nga nzoni mingi ahon anyama ti mafuta.

Marc 12:33

Ayeke nzoni zo aye Nzapa na be ti lo kue, na ndara ti lo kue nga na ngangu ti lo kue. Ayeke nzoni lo ye nga mba ti lo zo tongana ti so lo ye tere ti lo wani. So laa ayeke nzoni ahon asandaga ti anyama so a yeke gbi ni kue na wâ, wala asandaga nde nde so azo ayeke mu na Nzapa.”

Josué 5:5

Azo so kue alondo na Ezipte si asigigi, ala fâ ganza awe; me ala so a du ala na benyama, na lege, na ndembe ti sigingo ti ala na Ezipte, ade ala fâ ganza pepe.