Matthieu 12:48 - Mbeti ti Nzapa - Tënë so amu fini

⁴⁸ Jésus akiri tënë na zo ni: “Mama ti mbi ayeke zo wa? A-ita ti mbi ayeke azo wa?”

Matthieu 12:48 Referans Kwoze

Matthieu 10:37

Zo so aye babâ wala mama ti lo ahon mbi, lo lingbi ti duti disiple ti mbi pepe; zo so aye molenge ti lo ti koli wala ti wali ahon mbi, lo lingbi ti duti disiple ti mbi pepe.

Nzoni Tënë so Luc asu na mbeti 2:52

Jésus akono, lo ga kota, lo mai na ndara si lo ga nzoni na le ti Nzapa nga na le ti azo.

Ndia ti fani use ni 33:9

Ala baa babâ na mama ti ala tongana azo pepe, ala baa amolenge ti ala na a-ita ti ala tongana azo pepe; me ala bata tënë ti yanga ti mo, ala sara ye alingbi na *mbuki ti mo.

2 Korente 5:16

Ndani laa, ti fadeso, e yeke kiri ti baa zo oko na le ti e na bango ndo ti zo pepe. Ataa so e baa Christ ando na le ti e na bango ndo ti zo, ti fadeso e yeke kiri ti baa lo tongaso pepe.

Nzoni Tënë so Luc asu na mbeti 2:49

Jésus akiri tënë na ala: “Ala gi mbi ngbanga ti nyen? Ala hinga atene, alingbi mbi duti na ya ti da ti Babâ ti mbi pepe?”

Matthieu 12:47

Mbeni zo atene na Jésus: “Baa, mama ti mo na a-ita ti mo ayeke luti na gigi; ala ye ti tene tënë na mo.”

Matthieu 12:49

Na pekoni, lo yoro maboko ti lo, lo fa adisiple ti lo si lo tene: “Baa, mama ti mbi na a-ita ti mbi laa so!