Matthieu 12:42 - Mbeti ti Nzapa - Tënë so amu fini

⁴² Na lango ti fango ngbanga, fade gbia-wali ti kodro so ayeke na Mbongo ayeke londo ti luti na le ti azo ti fadeso ti fâ ngbanga na li ti ala, ngbanga ti so lo londo ando na nda ti sese yongoro ti ga ti ma atënë ti ndara so Salomon ayeke tene. Mbeni zo ayeke ge so ayeke kota ahon Salomon!”

Matthieu 12:42 Referans Kwoze

Jean 1:14

Tënë ni aga zo si lo duti na popo ti e, nzoni be na taa-tënë ti lo ahon ndoni. E baa gonda ti lo, gonda so Babâ amu na oko Molenge ti lo.

Matthieu 17:5

So lo ngba ti tene tënë ni, mbeni mbinda so aza zango aga amu ndö ti ala kue. Mbeni go alondo na ya ti mbinda ni, atene: “So ayeke Molenge ti mbi so mbi ye lo mingi, be ti mbi anzere na lo mingi. Ala ma yanga ti lo!”

Jean 1:18

Zo ade ti baa Nzapa laoko pepe; me gi oko Molenge ni so ayeke Nzapa si lo yeke nduru na tere ti Nzapa Babâ, lo laa lo fa Nzapa na azo titene ala hinga lo.

Matthieu 3:17

Mbeni go alondo na yayu si atene: “So ayeke Molenge ti mbi so mbi ye lo mingi, be ti mbi anzere na lo mingi.”

Ésaïe 7:14

Tongaso, fade KOTA GBIA wani ayeke fa na ala mbeni ye: maseka-wali ayeke mu ngo, lo yeke du molenge-koli, lo yeke di iri ti lo Emmanuel.

1 Agbia 10:24

Azo ti sese kue ayeke gi lege ti baa Salomon titene ala ma tënë ti ndara so Nzapa azia na be ti lo.

1 Agbia 5:12

Lo tene *amato saki ota, lo leke abia ti ndara so ahon saki oko.

1 Agbia 3:28

Azo ti Israel kue ama tënë ti ngbanga so gbia Salomon afâ. Ala kpe mbeto ti gbia, ngbanga ti so ala baa so Nzapa amu na lo ndara ti fâ ngbanga mbirimbiri.

1 Agbia 3:12

mbi yeke sara ye alingbi na ye so mo hunda: mbi yeke mu na mo ndara na hingango ndo. Mbeni zo ti duti na ndara tongana mo ayeke daa pepe, ataa kozo na mo wala na peko ti mo.

1 Agbia 3:9

Tongaso, mu na mbi, zo ti kua ti mo hingango ndo so alingbi titene mbi sara na komandema na ndö ti azo ti mo, titene mbi hinga ye so ayeke nzoni na ye so ayeke sioni. Tongaso pepe, zo wa laa alingbi ti sara komandema na ndö ti azo ti mo, azo ti mo so ayeke mingi mingi so?”

Matthieu 12:41

Na lango ti fango ngbanga, fade azo ti Ninive ayeke londo ti luti na le ti azo ti fadeso ti fâ ngbanga na li ti ala, ngbanga ti so na ndembe so azo ti Ninive ama tënë ti Nzapa so Jonas afa, ala zia ngbene lege ti sarango ye ti ala. Mbeni zo ayeke ge so ayeke kota ahon Jonas!

Matthieu 12:6

Mbi tene na ala so, mbeni ye ayeke ge so ayeke kota ahon kota da ti Nzapa!

Ndia ti fani use ni 30:13

Atënë ti ndia ni ayeke na mbage ti kota ngu-ingo kâ pepe si fade mbeni zo atene: “Zo wa laa ayeke fâ ande kota ngu-ingo ti gue ti ga na ni na e? Zo wa laa ayeke sara si e ma tënë ni si fade e sara ye alingbi na ni?”