Matthieu 11:24 - Mbeti ti Nzapa - Tënë so amu fini

²⁴ Ndani laa, mbi tene na ala: na lango ti fango ngbanga, fade a yeke fâ ngbanga ngangu na li ti ala ahon ti Sodome.”

Matthieu 11:24 Referans Kwoze

Matthieu 10:15

Mbi tene na ala taa-tënë: na lango ti fango ngbanga, fade ngbanga so a yeke fâ na li ti azo ti gbata so ayeke ngangu mingi ahon ti azo ti akodro ti Sodome na Gomore.”

Matthieu 11:22

Ndani laa, mbi tene na ala: na lango ti fango ngbanga, fade a yeke fâ ngbanga ngangu na li ti ala ahon ti Tir na ti Sidon.

Marc 6:11

Tongana azo ti mbeni kodro ake ti yamba ala, wala aye ti ma tënë ti ala pepe, ala londo na ndo ni so ahon. Ala pika sese ti gbe ti gere ti ala ti fa na azo ni so ala sara sioni awe.”

Abia ti demango tere 4:6

Sioni ti azo ti kodro ti mbi ayeke mingi, siokpari ti ala ahon ti azo ti Sodome; kodro ti Sodome ati hio, mbeni zo andu nga ni pepe.

Nzoni Tënë so Luc asu na mbeti 10:12

Mbi tene na ala: na lango ti fango ngbanga, fade ngbanga so a yeke fâ na ndö ti gbata ni ayeke duti ngangu ahon ti Sodome.”

Jérémie 23:14

Me na popo ti awayanga-Nzapa ti Jérusalem, mbi baa kota ye ti buba: ala yeke lango na awali kirikiri, tenengo mvene aga ye ti tere ti ala, ala yeke mu maboko na azo ti sarango sioni. Tongaso, zo oko ti zia sioni ti lo ayeke daa pepe. Na le ti mbi, awayanga-Nzapa ni kue aga tongana azo ti Sodome; azo ti Jérusalem aga tongana azo ti Gomore.”

Ezekiel 16:48

Fini ti mbi! So tënë ti yanga ti mbi, Kota Gbia NZAPA laa: Ataa Sodome, ita ti mo ti wali na agbata so ayeke nduru na lo asara pepe mara ti asioni ye so mo na agbata so ayeke nduru na mo asara.

Matthieu 23:14

“Mawa na ala, awafango-ndia, ala na afarizien! Tënë ti yanga ti ala ayeke nde na sarango ye ti ala! Ala yeke ro aye kue ti ya ti da ti awali-mua si ala yeke sara ayongoro sambela titene azo abaa ala. Fade a yeke fâ ngbanga na li ti ala ngangu mingi!]