Matthieu 10:8 - Mbeti ti Nzapa - Tënë so amu fini

⁸ Ala kai kobela na tere ti azo, ala zingo akuâ, ala sara si tere ti azo ti buruma aga nzoni, ala tumba asioni yingo. Nzapa amu ye na ala senge senge, ala mu nga ye na azo senge senge.

Matthieu 10:8 Referans Kwoze

Awatokua 3:6

Me Pierre atene na lo: “Mbi yeke na nginza wala lôro pepe, me ye so mbi yeke na ni, mbi yeke mu na mo: na iri ti Jésus Christ, zo ti Nazaret, londo, mo tambula!”

Awatokua 4:30

Fa ngangu ti mo, tongaso si na iri ti Jésus, zo ti kua ti mo so ayeke nde si ayeke nzoni kue, kobela ti azo akai si aye ti kpene na aye ti dongo be aduti daa.”

Nzoni Tënë so Luc asu na mbeti 10:9

Ala kai kobela ti azo ti gbata ni si ala tene na azo ni: ‘Kodro-gbia ti Nzapa aga nduru na ala awe!’

Matthieu 10:1

Na pekoni, Jésus airi adisiple ti lo baleoko na use si lo mu na ala ngangu ti tumba asioni yingo, ti kai kobela na tere ti azo, ti sara nga si azo so mbage ti tere ti ala abuba, akiri aga nzoni.

Marc 16:18

ala yeke gbu angbo na maboko ti ala wala ala yeke nyon sioni yoro, me sioni ye oko ayeke si na ala pepe; ala yeke zia maboko ti ala na ndö ti azo ti kobela si kobela ti azo ni ayeke kai.”

Wungo ti azo 18:7

Me mo, Aaron na amolenge ti mo, ala yeke sara kua ti ala ti wayango-sandaga na ndo so gbalaka ayeke daa nga na ndo so ayeke nde si ayeke nzoni kue ahon atanga ni; so ti tene na peko ti ridoo so akangbi ya ti da ni so. Mbi laa mbi mu na ala kua ni. Tongana mbeni senge zo aga nduru na ndo ni, fade a yeke fâ lo.”

Ésaïe 55:1

Ala so kue nzara ti ngu asara ala, baa ngu laa, ala ga! Ataa ala yeke na nginza pepe, ala ga! Ala mu kobe, ala te; ala mu vin, ala mu ngu ti me ti bagara senge senge, ala yeke vo ni vongo pepe.

Matthieu 10:7

Na guengo ni, ala fa Nzoni Tënë na azo, atene: ‘*Kodro-gbia ti yayu aga nduru awe!’

Matthieu 10:9

Ala mu lôro, wala wen ti nginza wala bengba wen ti zia na ya ti bozo ti ala pepe;