Matthieu 10:5 - Mbeti ti Nzapa - Tënë so amu fini

⁵ Jésus atokua adisiple baleoko na use so, lo mu na ala yanga, lo tene: “Ala gue na sese ti amara nde pepe, ala li nga na ya ti mbeni gbata ti azo ti Samarii pepe.

Matthieu 10:5 Referans Kwoze

Jean 4:9

Wali ti Samarii ni atene na Jésus: “So tënë ti nyen! Mo so mo yeke zuife, mo hunda ngu ti nyongo ni na maboko ti mbi, wali ti Samarii?” Andaa azuife na azo ti Samarii ayeke ma ka tere pepe.

1 Tesalonike 2:16

Ala yeke kanga lege na e ti fa tënë ti Nzapa na azo ti amara nde, tënë so alingbi ti soo ala na kuâ. Tongaso, azuife ayeke sara si siokpari ti ala akiri ahon ndoni. Me na ndani, Nzapa asara ngonzo na tere ti ala.

Nzoni Tënë so Luc asu na mbeti 17:16

Lo ti, lo kpo li ti lo na sese na gere ti Jésus si lo yeke mu singila na Jésus. Andaa lo yeke mbeni zo ti Samarii.

Awatokua 10:45

Azuife so ama na be si ala na Pierre aga so, li ti ala kue akpe, ngbanga ti so ala baa so Nzapa amu nga Yingo-Vuru ti lo na azo ti amara nde!

Nzoni Tënë so Luc asu na mbeti 9:2

Na pekoni, lo tokua ala ti fa tënë ti kodro-gbia ti Nzapa, ti kai nga akobela na tere ti azo.

Awatokua 1:8

Me fade ala yeke wara ngangu na ndembe so Yingo-Vuru ayeke zu na ndö ti ala. Tongaso, ala yeke ga azo ti tenengo tënë ti ye so ala hinga na ndö ti mbi, na Jérusalem, na Judée kue, na Samarii, ngbii ala si na nda ti sese kue.”

Jean 20:21

Jésus akiri tënë na ala: “Siriri aduti na ala! Tongana ti so Babâ atokua mbi, mbi nga, mbi tokua ala.”

Jean 7:35

Azuife ahunda tere ti ala, atene: “Lo yeke gue ande na ndo wa si e wara lo pepe so? Lo ye ti gue na ndo ti azuife so akangbi tere ti ala na ya ti akodro ti agreke so? Lo yeke gue kâ ti fa ye na agreke ni?

Jean 4:5

Lo si na ya ti mbeni kete kodro ti Samarii so iri ni Sikar, nduru na yaka so Jacob amu na molenge ti lo Joseph.

Nzoni Tënë so Luc asu na mbeti 10:33

Me mbeni zo ti Samarii so ayeke gue na mbeni kodro yongoro asi na tere ti koli so. Lo baa koli ni si mawa ti lo agbu be ti lo.

Matthieu 4:15

“Sese ti Zabulon na ti Neftali, so ayeke na lege ti guengo na kota ngu-ingo, na mbage ti ngu ti Jourdain laa ayeke Galile ti amara nde!

Awatokua 8:1

Saul ayeda na tënë ti fango Étienne. Na lango ni so, azo ato nda ti sara ngangu mingi na azo ti *Eglize so ayeke na Jérusalem. Azo ti Jésus kue akangbi na ndö ti sese ti Judée na ti Samarii, gi *awatokua laa angba na Jérusalem.

Jean 8:48

Azuife akiri tënë na Jésus, atene: “Tënë so e tene so ayeke taa-tënë: ‘Mo yeke zo ti Samarii si sioni yingo ayeke na ya ti mo!’ ”

Jean 4:20

Akotara ti e avoro Nzapa na ndö ti hoto so. Me ti ala, azuife, ala tene: ‘Ndo ti vorongo lo ayeke gi na Jérusalem.’ ”

Nzoni Tënë so Luc asu na mbeti 10:1

Na pekoni, *Kota Gbia asoro ambeni disiple balembarambara na use; lo tokua ala use use titene ala hon kozoni na lo na ya ti agbata na akete kodro so kue lo ye ti gue daa.

Matthieu 22:3

Lo tokua azo ti kua ti lo ti iri azo so lo tisa ala na matanga ni, me azo ni aye ti ga pepe.

Marc 6:7

Lo iri adisiple ti lo baleoko na use si lo tokua ala use use. Lo mu na ala ngangu ti tumba asioni yingo

Nzoni Tënë so Luc asu na mbeti 9:1

Jésus abongbi adisiple baleoko na use si lo mu na ala ngangu na komandema ti tumba na asioni yingo kue nga ti kai na akobela.

Jean 17:18

Mbi tokua ala na ndö ti dunia, tongana ti so mo tokua mbi na ndö ti dunia.