Matthieu 1:3 - Mbeti ti Nzapa - Tënë so amu fini

³ Juda adu Peres na Zera – mama ti ala ayeke Tamar. Peres adu Hesron; Hesron adu Ram;

Matthieu 1:3 Referans Kwoze

Tongo nda ti aye 46:12

Amolenge ti Juda ti koli ayeke so: Er, Onan, Shela, Peres na Zera. Er na Onan akui ti ala gi na kodro ti Kanaan. Amolenge ti Peres ti koli ayeke so: Hesron na Hamul.

1 Mbai 4:1

*Ahale ti Juda ayeke Peres, Hesron, Karmi, Hur na Shobal.

Nzoni Tënë so Luc asu na mbeti 3:33

Nashon ayeke molenge ti Aminadab; Aminadab ayeke molenge ti Admin; Admin ayeke molenge ti Arni; Arni ayeke molenge ti Hesron; Hesron ayeke molenge ti Peres; Peres ayeke molenge ti Juda;

1 Mbai 9:6

Na popo ti azo ti kete mara ti Zera, Yeuel ayeke daa. Wungo ti azo ti Juda so kue aga ti sara kodro na Jérusalem ayeke 690.

Tongo nda ti aye 38:11

Tongaso Juda atene na Tamar, wali ti molenge ti lo, atene: “Koli ti mo akui awe. Ayeke nzoni mo kiri na ndo ti babâ ti mo, mo duti kâ ngbii Shela, molenge ti mbi ti koli akono aga koli si.” Andaa lo yeke tene na be ti lo, lo tene: “Ayeke nzoni Shela akui tongana ti a-ita ti lo pepe.” Tongaso Tamar ague, aduti na ndo ti babâ ti lo.

Tongo nda ti aye 38:6

Juda amu wali na Er, kozo molenge ti lo. Iri ti wali ni Tamar.

Matthieu 1:2

Abraham adu Isaac; Isaac adu Jacob; Jacob adu Juda, lo na a-ita ti lo.

Matthieu 1:4

Ram adu Aminadab; Aminadab adu Nashon; Nashon adu Salman.