Marc 9:22 - Mbeti ti Nzapa - Tënë so amu fini

²² Lakue yingo ni ayeke bi lo na le ti wâ wala na ya ti ngu titene lo kui. Me tongana mo lingbi ti sara mbeni ye ndali ti lo, baa mawa ti e, mu maboko na e!”

Marc 9:22 Referans Kwoze

Nzoni Tënë so Luc asu na mbeti 7:13

So *Kota Gbia abaa wali-mua ni, mawa ti lo agbu lo si lo tene na lo: “Mo toto pepe!”

Marc 5:19

Me Jésus ake si lo tene na koli ni: “Kiri na ndo ti mo, na ya ti sewa ti mo si mo fa na azo tënë ti ye so kue *Kota Gbia asara ndali ti mo na lege ti nzoni be ti lo.”

Matthieu 20:34

Mawa ti ala agbu Jésus si lo ndu le ti ala. Gi hio tongaso, ala kiri abaa ndo si ala mu peko ti lo.

Matthieu 14:31

Gi hio tongaso, Jésus ayoro maboko ti lo, agbu lo si atene na lo: “Mo, zo ti kete mabe, mo dekite ngbanga ti nyen?”

Matthieu 9:28

So Jésus ali na ya ti da awe, awaziba so aga nduru na tere ti lo; lo hunda ala, lo tene: “Ala ma na be biani so mbi lingbi ti sara ye so?” Ala kiri tënë na lo: “*Kota Gbia, mo lingbi ti sara ni.”

Matthieu 8:2

Mbeni zo ti buruma aga nduru na tere ti lo si akuku na gbe ti lo, atene: “*Kota Gbia, tongana mo ye, mo lingbi ti sara si tere ti mbi aga nzoni.”

Matthieu 17:15

“*Kota Gbia, baa mawa ti molenge ti mbi! Lo yeke na kobela ti makako si lo yeke baa pasi mingi. Fani mingi lo ti na le ti wâ nga na ya ti ngu.

Marc 9:21

Jésus ahunda babâ ni, atene: “Ye ni ato nda ti sara lo lawa?” Babâ ni atene: “Na ndembe so lo de molenge.

Marc 9:23

Jésus atene na lo: “Ngbanga ti nyen si mo tene: ‘Tongana mo lingbi ti sara?’ Zo so ama na be, lo lingbi ti sara ye kue!”