Marc 6:14 - Mbeti ti Nzapa - Tënë so amu fini

¹⁴ Gbia Herode ama tënë ti Jésus, ngbanga ti so iri ti lo awu amu ndo kue. Ambeni zo atene: “Jean-Baptiste azingo na kuâ awe! Ndani laa, lo yeke na ngangu ti sara na aye ti kpene so.”

Marc 6:14 Referans Kwoze

1 Tesalonike 1:8

Biani, tënë ti Kota Gbia alondo na ndo ti ala si ague, asi na sese ti Masedoane na ti Akayi kue. Gi so oko pepe, so ala ma na be na Nzapa, sango ni angba gi na ando use so pepe, me amu ndo kue. Tongaso, e yeke kiri ti tene tënë na ndö ni pepe.

Nzoni Tënë so Luc asu na mbeti 13:31

Na ndembe ni so, ambeni *farizien aga na tere ti Jésus si ala tene na lo: “Londo na ndo so, mo gue na mbeni ndo nde, ngbanga ti so Herode ayeke gi lege ti fâ mo.”

Nzoni Tënë so Luc asu na mbeti 3:1

Na ngu baleoko na oku so Tibere ayeke kota gbia ti Rome, Ponse Pilate ayeke govoronere na sese ti Judée, Herode, kota komanda na sese ti Galile, ita ti lo Philippe ayeke kota komanda na sese ti Iture na ti Trakonite si Lisanias ayeke kota komanda na sese ti Abilene;

Marc 8:28

Ala kiri tënë na lo: “Ambeni atene, mo yeke Jean-Baptiste, ambeni atene, mo yeke Élie si ambeni nga atene, mo yeke mbeni wayanga-Nzapa.”

Marc 1:45

Me koli so ahon gi kete, lo to nda ti dekongo na tënë ni si lo fa ni na azo kue. Ndani laa, Jésus alingbi ti li na ya ti ambeni gbata na le ti azo pepe; lo gue, lo duti na ndo so azo ayeke daa pepe. Azo alondo na ya ti ando nde nde si ala gue na lo kâ.

Marc 1:28

Gi hio tongaso, sango ti Jésus amu ya ti sese ti Galile kue.

Matthieu 9:31

Me so ala sigigi awe, ala to nda ti tene tënë ti Jésus na ya ti sese ni kue.

2 Mbai 26:15

Na Jérusalem, Ozias aleke ambeni masini so mbeni kota wakode-kua asigigi na ni titene a zia ni na ndö ti ada so ayo na nduzu nga na ndö ti andangoro ti gbagba. Kua ti amasini ni ayeke ti bi ale ti kokora na akota têne na ndo kue. Nzapa asara ye ti kpene mingi ti mu maboko na Ozias; ndani laa lo ga ngangu mingi si sango ti lo asi na ndo kue.

2 Mbai 26:8

Azo ti mara ti Amon ayeke futa lapo na Ozias. Sango ti Ozias ague ngbii asi na ayanga ti kodro ti Ezipte, ngbanga ti so lo ga ngangu gbia mingi.

Nzoni Tënë so Luc asu na mbeti 9:19

Ala kiri tënë, atene: “Ambeni atene, mo yeke Jean-Baptiste; ambeni atene, mo yeke Élie si ambeni atene nga, mo yeke mbeni wayanga-Nzapa ti ando so azingo na kuâ.”

Ahebro 2:4

Nzapa nga afa atene, tënë ni ayeke taa-tënë na lege ti aye ti kpene nde nde na aye ti dongo be nga na amatabisi ti Yingo-Vuru so lo kangbi na azo tongana ti so be ti lo aye.

Nzoni Tënë so Luc asu na mbeti 7:17

Tënë ti ye so Jésus asara so amu yanga ti azo ti Judée na azo so ayeke na akodro ti tere ni kue.