Marc 4:15 - Mbeti ti Nzapa - Tënë so amu fini

¹⁵ Ambeni zo ayeke tongana tere ti lege so ale ti kobe atuku daa. So tënë ni ati na mê ti ala, Satan aga hio, lo zi tënë ni na be ti ala.

Marc 4:15 Referans Kwoze

1 Pierre 5:8

Le ti ala akpengba, ala lango pepe! Zabolo, wato ti ala, ayeke ngoro na tere ti ala tongana bamara so ayeke toto si ayeke gi mbeni zo ti te.

Matthieu 13:19

Azo so ama tënë ti *Kodro-gbia ti yayu si ala ma ya ni pepe so, ala yeke tongana tere ti lege so ale ti kobe atuku daa. Sioni wato aga si lo zi ye so a lu na be ti azo ni.

2 Korente 2:11

Mbi sara tongaso titene Satan ahon ndö ti e pepe; e hinga mbirimbiri aye so Satan aye ti sara.

Nzoni Tënë so Luc asu na mbeti 8:12

Ambeni zo ayeke tongana tere ti lege so ale ti kobe atuku daa. So ala ma tënë ni, Zabolo aga, azi tënë ni na be ti ala titene ala ma na be pepe, ngbanga ti ala soo kuâ.

Marc 4:4

So lo yeke bi ale ti kobe ni, ambeni atuku na tere ti lege; andeke aga si ate ni kue.

Awatokua 5:3

Pierre atene na lo: “Ananias, ngbanga ti nyen si mo yeda titene Satan ali be ti mo? Yaka so mo ka so, mo gbanzi mbage ti nginza ni si mo tene mvene na Yingo-Vuru.

Ésaïe 53:1

Zo wa laa ayeda na tënë so e ma? Zo wa laa ahinga ngangu ti maboko ti KOTA GBIA?

Aye so Nzapa afa 20:10

Zabolo so ahanda azo ni so, a bi lo na le ti kota wâ na *sufre, na ndo so nyama ni ayeke daa, lo na nyama so atene mvene atene, ni yeke wayanga-Nzapa so. Fade ala yeke baa pasi bi na lâ, kpu na kpu.

Aye so Nzapa afa 20:7

Tongana ngu saki oko ni ahunzi awe, fade a yeke zi Satan na ya ti kanga so lo yeke daa.

Ahebro 2:1

Ndani laa, tënë ti Nzapa so e ma, alingbi e gbu ni ngangu, tongaso si e girisa lege pepe.

2 Tesalonike 2:9

Na gango ti Zo ti sioni so, fade Satan ayeke sara aye ti ngangu nde nde: Zo ti sioni ayeke sara akota ye, aye ti kpene na aye ti dongo be ti handa na azo.

Matthieu 22:5

Me azo ni abaa tënë ti lo ni tongana senge tënë si ala gue na ando ti ala nde nde: mbeni ague na yaka ti lo, mbeni ague ti de buze ti lo.

Aye so Nzapa afa 12:9

A bi sioni nyama ni na gigi. Lo yeke ngbene ngbo so azo airi lo atene, Zabolo wala Satan, wala zo ti handango azo ti dunia kue. A bi lo na ndö ti sese, lo na a-ange ti lo.

Matthieu 4:10

Jésus atene na lo: “Hon kâ, Satan! Mbeti ti Nzapa atene: ‘Mo voro Kota Gbia, Nzapa ti mo si mo sara kua gi na lo oko!’ ”

Zakarii 3:1

Na pekoni, na ya ti mbeni ye tongana bango-li, *KOTA GBIA asara si mbi baa kota wayango-sandaga Yeshua. Lo yeke luti na dawa ti *ange ti KOTA GBIA. Andaa Satan ayeke luti na mbage ti maboko ti lo ti koli, ti bi tënë na li ti lo.

Tongo nda ti aye 19:14

Lot asigigi, atene na akogara ti lo so aye ti mu amolenge ti lo ti wali so, atene: “Ala londo na gbata so, ala sigigi, ngbanga ti so KOTA GBIA ayeke buba gbata ni.” Me akogara ti lo abaa ti ala atene, so tënë ti ngia laa.

Ahebro 12:16

Ala sara hange si mbeni zo ti sarango ye ti ndumba aduti na popo ti ala pepe! Ala ne aye so ayeke ti Nzapa. Ala sara tongana Ezau pepe so aka ando ndo ti lo ti kozo molenge ndali ti sembe oko ti kobe.

Awatokua 17:32

So azo ni ama tënë so Paul atene na ndö ti zingongo ti akuâ, ambeni ahe lo na ngia si ambeni atene: “Mbeni lâ si e yeke kiri ti ma mo na ndö ti tënë so!”

Marc 4:14

Zo ti bingo ale ti kobe na le ti yaka ayeke tongana zo so ayeke fa tënë ti Nzapa.

Marc 4:16

Ambeni zo ayeke tongana sese so atêne ayeke daa; tongana ala ma tënë ni, ala yeda na ni hio na ngia,