Marc 3:14 - Mbeti ti Nzapa - Tënë so amu fini

¹⁴ Na popo ti ala, lo soro azo baleoko na use so lo di iri ti ala *awatokua. Lo soro ala ti duti na tere ti lo nga titene lo tokua ala ti fa Nzoni Tënë.

Marc 3:14 Referans Kwoze

Awatokua 1:8

Me fade ala yeke wara ngangu na ndembe so Yingo-Vuru ayeke zu na ndö ti ala. Tongaso, ala yeke ga azo ti tenengo tënë ti ye so ala hinga na ndö ti mbi, na Jérusalem, na Judée kue, na Samarii, ngbii ala si na nda ti sese kue.”

Jean 15:16

Ala laa asoro mbi pepe, me mbi laa mbi soro ala; mbi zia ala titene ala gue ti le mingi si lengo ti ala angba lakue. Tongaso, fade Babâ ayeke mu na ala ye so kue ala hunda na lo na iri ti mbi.

Galasii 1:1

Mbi Paul laa mbi tokua mbeti so; azo laa airi mbi ti ga *watokua pepe. So Nzapa airi mbi ti ga watokua, mbi ma tënë ni na yanga ti mbeni zo pepe, me na yanga ti Jésus Christ wani, lo na Nzapa Babâ so azingo lo na popo ti akuâ.

Nzoni Tënë so Luc asu na mbeti 24:47

Na iri ti lo, fade azo ayeke fa Nzoni Tënë na amara kue, ti to nda ni na Jérusalem. Ala yeke tene na azo titene ala zia ngbene lege ti sarango ye ti ala, ala kiri na Nzapa si fade Nzapa azi siokpari na li ti ala.

Marc 3:13

Na pekoni, Jésus ague na li ti hoto; lo iri azo so be ti lo aye si ala ga na tere ti lo.

Marc 3:15

Lo mu na ala ngangu ti tumba asioni yingo.

Marc 6:30

*Awatokua akiri na tere ti Jésus si ala fa na lo peko ti aye so kue ala sara nga na aye so kue ala fa ni.