Marc 2:26 - Mbeti ti Nzapa - Tënë so amu fini

²⁶ David ali na ya ti da ti Nzapa, lo mu mapa so a mu na *sandaga na Nzapa, lo te ni si lo mu mbeni na azo so amu peko ti lo. Na ngoi ni so, Abiatar laa ayeke kota wayango-sandaga. Andaa a mu lege gi na awayango-sandaga ti te mapa ni!”

Marc 2:26 Referans Kwoze

2 Samuel 8:17

Sadok, molenge ti Ahitub, lo na Ahimelek, molenge ti Abiatar ayeke awayango-sandaga; Seraya ayeke wakuasu.

1 Mbai 24:6

Wakuasu Shemaya, molenge ti Netaneel, zo ti mara ti Lévi, asu iri ti azo ti mara ti Lévi na dawa ti gbia, ti amakonzi, ti wayango-sandaga Sadok, ti Ahimelek, molenge ti Abiatar nga na dawa ti amakonzi ti asewa ti awayango-sandaga na ti azo ti mara ti Lévi. Ndali ti ahale ti Elazar, a yeke bi ye ni fani use; ndali ti ahale ti Itamar, a yeke bi ni fani oko; a yeke sara ni gi tongaso ti gue na ni.

1 Samuel 21:1

Nilaa David amu lege ague si Jonatan akiri na kodro.

1 Agbia 4:4

Benaya, molenge ti Yoyada ayeke makonzi ti aturugu; Sadok na Abiatar ayeke awayango-sandaga;

1 Agbia 2:22

Gbia Salomon akiri tënë na mama ti lo, atene: “Mo hunda ti mu Abishag, zo ti gbata ti Shunem na Adonia ti ga wali ti lo ngbanga ti nyen? Tongaso mo hunda fafadeso titene a mu na lo komandema ma, ngbanga ti so lo yeke yaya ti mbi! Hunda komandema ni gi na lo oko pepe, me nga na azo so amu peko ti lo, wayango-sandaga Abiatar na Yoab, makonzi ti aturugu!”

1 Agbia 1:7

Adonia aleke tënë na hondengo ni, lo na Yoab so iri ti mama ti lo ayeke Seruya; lo leke nga tënë na Abiatar, wayango-sandaga si ala mu peko ti lo.

2 Samuel 20:25

Sheva ayeke wakuasu; Sadok na Abiatar ayeke awayango-sandaga;

2 Samuel 15:35

Awayango-sandaga Sadok na Abiatar ayeke kâ na tere ti mo! Atënë so kue mo yeke ma na yangbo ti gbia, fade mo yeke tene tënë ni na ala.

2 Samuel 15:29

Tongaso Sadok na Abiatar amu sanduku ti mbuki ti Nzapa, ala kiri na ni na Jérusalem si ala ngba kâ.

2 Samuel 15:24

Wayango-sandaga Sadok ayeke daa, lo na azo ti mara ti Lévi so kue ayo sanduku ti *mbuki ti Nzapa. Ala zia sanduku ni na sese si Abiatar amu *sandaga na Nzapa ngbii azo so kue asigigi na ya ti gbata ni ahon kue.

1 Samuel 23:9

David ama a tene, Saul aye ti sara sioni na lo si lo tene na wayango-sandaga Abiatar, lo tene: “Ga na efod si.”

1 Samuel 23:6

Na ndembe so lani Abiatar, molenge ti Ahimelek akpe si lo gue na tere ti David na Keila so, andaa lo mu *efod, lo gue na ni.

Matthieu 12:4

Lo li na ya ti da ti Nzapa si lo na azo so amu peko ti lo ate mapa so a mu na *sandaga na Nzapa. Andaa a mu lege na ala pepe ti te mapa ni, me gi awayango-sandaga laa alingbi fade ti te ni!

Marc 2:25

Jésus akiri tënë na ala: “Ye so David asara ando na ndembe so nzara asara lo, lo na azo so amu peko ti lo si ala yeke na ye ti tengo ni pepe, ala diko tënë ni pepe?