Marc 2:12 - Mbeti ti Nzapa - Tënë so amu fini

¹² Gi hio tongaso, koli ni alondo na le ti azo kue, lo mu kelekpa ti lo si lo gue. Azo so ayeke kâ si abaa lo, li ti ala kue akpe; ala gonda Nzapa, atene: “E de ti baa mara ti ye tongaso laoko pepe!”

Marc 2:12 Referans Kwoze

Matthieu 9:33

So Jésus atumba sioni yingo ni awe, buburu ni ato nda ti tene tënë. Be ti gba ti azo ni ado si ala tene: “Ade e baa mara ti ye tongaso na kodro ti Israel laoko pepe!”

Matthieu 9:8

So azo ni abaa ye so, mbeto asara ala. Ala gonda Nzapa ndali ti so lo mu ngangu na azo ti sara aye tongaso.

Nzoni Tënë so Luc asu na mbeti 7:16

Mbeto agbu azo ni kue si ala yeke gonda Nzapa, atene: “Mbeni kota wayanga-Nzapa aga na popo ti e awe! Nzapa aga ti baa azo ti lo!”

Awatokua 4:21

Tongaso azo ti fango ngbanga ni akiri asuku na ala ngangu si na pekoni, ala zi ala. Ala baa so lege ti fâ ngbanga na li ti ala ayeke daa pepe, ngbanga ti so azo kue ayeke gonda Nzapa ndali ti ye so asi.

Jean 9:32

Na ndö ti dunia so, lawa laa e ma tënë ti mbeni zo so a du lo waziba si mbeni zo azi le ti lo?

Jean 7:31

Na popo ti gba ti azo so, ambeni mingi ama na be na lo; ala tene: “Tongana Mesii aga, fade lo yeke sara aye ti kpene ahon ti koli so?”

Nzoni Tënë so Luc asu na mbeti 17:15

Mbeni oko na popo ti ala, so lo baa tere ti lo aga nzoni awe, lo kiri lo ga, lo yeke gonda Nzapa na kota go.

Nzoni Tënë so Luc asu na mbeti 13:13

Lo zia maboko ti lo na li ti lo. Gi hio tongaso, wali ni aluti mbirimbiri si lo yeke gonda Nzapa.

Nzoni Tënë so Luc asu na mbeti 5:26

Li ti azo ni kue akpe; ala yeke gonda Nzapa, mbeto agbu ala si ala tene: “Laso, e baa akota ye ti kpene!”

Marc 1:27

Li ti azo ni kue akpe si ala hunda tere ti ala, atene: “So nyen! Mbeni fini fango ye ni laa tongana ti zo ti komandema so? Ataa asioni yingo, lo mu yanga na ala si ala yeke ma gi yanga ti lo!”

Matthieu 15:31

Li ti azo ni kue akpe, ngbanga ti so ala baa abuburu atene tënë, azo so mbage ti tere ti ala abuba, tere ti ala akiri aga nzoni, azo so gere ti ala abuba, ala yeke tambula, awaziba akiri abaa ndo. Tongaso ala gonda Nzapa ti Israel.

Matthieu 12:23

Li ti azo ni kue akpe si ala tene: “So Molenge ti David laa pepe?”

Marc 2:11

“Londo, mo mu kelekpa ti mo, mo gue na da ti mo!”