Marc 16:8 - Mbeti ti Nzapa - Tënë so amu fini

⁸ Tongaso ala sigigi na ya ti du ti kuâ ni si ala kpe, ngbanga ti so ala kue ayeke do na mbeto. Ala tene tënë ni na zo oko pepe, ngbanga ti so mbeto asara ala. [

Marc 16:8 Referans Kwoze

Nzoni Tënë so Luc asu na mbeti 24:37

Mbeto agbu ala si tere ti ala ayeke do; ala baa ti ala atene, mbeni toro laa ala baa lo so.

Matthieu 28:8

Awali ni alondo hio na yanga ti du ti kuâ ni, mbeto na ngia kue asi be ti ala si ala kpe, ague, atene tënë ni na adisiple ti Jésus.

Nzoni Tënë so Luc asu na mbeti 10:4

Ala mu bozo ti nginza, bozo ti lege na poro pepe; ala bara nga azo na lege pepe.

2 Agbia 4:29

Élisée atene na Gehazi: “Leke tere ti mo; mu keke ti mbi ti wayanga-Nzapa, mo gue! Tongana mo wara mbeni zo na lege, mo bara lo pepe. Tongana mbeni zo abara mo, mo yeda pepe. Fade mo yeke zia keke ti mbi na ndö ti le ti molenge-koli ni.”

Matthieu 7:28

So Jésus atene tënë so awe, li ti azo so abongbi kâ akpe ndali ti fango ye ti lo.

Marc 16:7

Ala gue fadeso atene na adisiple ti lo nga na Pierre atene, lo hon kozo ti ala na Galile awe. Kâ laa ala yeke baa ande lo tongana ti so lo tene tënë ni na ala.”

Marc 16:9

Na peko ti so Jésus azingo na kuâ awe, na ndaperere ti layenga, lo si kozoni na Marie ti kodro ti Magdala, wali so lo tumba lani asioni yingo mbarambara na ya ti lo.