Marc 15:5 - Mbeti ti Nzapa - Tënë so amu fini

⁵ Me Jésus akiri tënë oko pepe; nilaa li ti Pilate kue akpe.

Marc 15:5 Referans Kwoze

Ésaïe 53:7

Azo asara ngangu na lo, lo sara tere ti lo kete, lo zi yanga oko pepe. Lo yeke tongana kete taba so a yeke gue na lo na ndo ti fango anyama; lo yeke tongana taba so ayeke buburu na dawa ti azo ti fango kua ti tere ti lo, lo zi yanga oko pepe.

Zakarii 3:8

“Yeshua, kota wayango-sandaga, mo ma mbi! Ala awayango-sandaga, ala so ala na lo ayeke sara kua so, ala ma mbi! Biani, ala awayango-sandaga, ala yeke tongana ye so ayeke fa na azo tënë ti mbeni ye so ayeke si ande. Mbi yeke sara si zo ti kua ti mbi aga, lo so iri ti lo ayeke ‘Kete keke so asigigi’.

1 Korente 4:9

Mbi baa ti mbi, mbi tene, Nzapa amu e *awatokua azia e ndangba ti azo kue. E yeke tongana azo so a fâ ngbanga ti kuâ na li ti ala awe: e ga ye ti ngia na le ti azo ti dunia kue, na le ti *a-ange nga na le ti azo.

Matthieu 27:14

Me Jésus akiri tënë oko na lo pepe, nilaa li ti govoronere ni kue akpe.

Abia (Psaumes) 71:7

Azo mingi abaa mbi tongana mbeni ye ti dongo be, me mo yeke tongana ngangu gbagba so mbi kpe daa ti bata tere ti mbi.

Jean 19:9

Lo kiri lo li na da si lo hunda Jésus, lo tene: “Mo londo ti mo na ndo wa?” Me Jésus akiri tënë na lo pepe.

Ésaïe 8:18

Mbi na amolenge so KOTA GBIA amu na mbi, e yeke tongana mbeni ye so ayeke fa ye so ayeke si na Israel. E yeke tongana ye ti kpene ndali ti KOTA GBIA so ayeke na ndö ti aye kue, lo so lo yeke duti na ndö ti hoto ti *Sion.

Matthieu 27:12

So akota wayango-sandaga na *akangba abi tënë na li ti lo so, lo zi yanga oko pepe.

Marc 15:4

Tongaso Pilate akiri ahunda Jésus, atene: “Mo yeke kiri tënë oko pepe? Mo ma atënë so kue ala yeke bi na li ti mo so!”

Nzoni Tënë so Luc asu na mbeti 23:9

Lo hunda Jésus na atënë mingi mingi, me Jésus akiri tënë oko pepe.