Marc 15:10 - Mbeti ti Nzapa - Tënë so amu fini

¹⁰ Biani, lo hinga lo tene, akota wayango-sandaga azia Jésus na maboko ti lo, ngbanga ti so kota be asara ala na tere ti lo.

Marc 15:10 Referans Kwoze

Amato 27:4

Ngonzo ti wâ ayeke sioni mingi, ngonzo ayeke buba ye mingi; me zo wa laa alingbi ti luti na le ti mbanda ti zo?

Tite 3:3

E nga, e yeke ando azo so li ti e ayeke daa pepe, azo ti ngangu li, azo so agirisa lege. Ando, e mu be ti e kue ti sara aye so anzere na be ti e si nzara ti aye nde nde ahon ndö ti e; e yeke azo ti sioni si e yeke sara kota be na tere ti amba ti e. Azo ayeke ke e; e nga, e yeke ke tere na popo ti e.

Matthieu 27:18

Biani, Pilate ahinga atene, ala zia Jésus na maboko ti lo, ngbanga ti so kota be asara ala na tere ti lo.

1 Jean 3:12

E sara ye tongana Kain pepe: lo yeke zo ti Sioni wato si lo fâ ita ti lo Abel. Ngbanga ti nyen si lo fâ lo? Ngbanga ti so ye so Kain ayeke sara, ayeke sioni si ti ita ti lo ayeke mbirimbiri.

Jacques 4:5

Tënë so Mbeti ti Nzapa atene: “Yingo so Nzapa azia na ya ti e, lo ye ni ngangu mingi”, ala baa ni tongana senge senge tënë pepe.

Awatokua 13:45

So azuife abaa gba ti azo ni, kota be asara ala; ala yeke tene tënë ti buba ya ti atënë ti Paul si ala yeke zonga lo.

Zo ti bongbingo azo 4:4

Mbi kiri mbi baa so akua so azo ayeke baa pasi na sarango ni, ala ye ti ga nzoni ti hon amba ti ala. Ye so nga ayeke gi senge senge si ayeke tumbango peko ti pupu senge.

Tongo nda ti aye 37:11

A-ita ti Joseph asara kota be na tere ti lo. Me babâ ti lo angba ti dabe ti lo na atënë so.

Marc 15:9

Pilate ahunda ala, atene: “Ala ye mbi zi na ala gbia ti azuife?”

Marc 15:11

Me akota wayango-sandaga apusu gba ti azo ni titene ala hunda na Pilate ti zi na ala Barabas.