Marc 14:6 - Mbeti ti Nzapa - Tënë so amu fini

⁶ Me Jésus atene na ala: “Ala zia lo kpoo. Ngbanga ti nyen si ala yeke so li ti lo tongaso? Ye so lo sara na mbi so ayeke nzoni.

Marc 14:6 Referans Kwoze

Ahebro 13:21

Ayeke nzoni Nzapa asara si ala ga azo so alingbi ti sara ye so kue ayeke nzoni nga na ye so be ti lo aye! Ayeke nzoni, na lege ti Jésus Christ, Nzapa asara si e sara ye so anzere na be ti lo! Gonda ayeke ti lo kpu na kpu! Amen.

Ahebro 10:24

E baa ndo na ndö ti amba ti e na popo ti e ti pusu e titene e ye azo si e sara anzoni ye.

Tite 3:14

Alingbi azo ti e nga amanda lege ti mu tere ti ala kue ti sara anzoni ye. Tongaso, tongana mbeni ye atia, ala lingbi ti mu maboko ndali ni, ala duti gi senge pepe.

Tite 2:14

Lo ka ando tere ti lo na kuâ ndali ti e, ti zi e na ya ti aye ti sioni kue, ti sukula e si e ga azo ti lo wani, titene e mu ngangu ti e kue ti sara anzoni ye.

2 Timothée 2:21

Zo so azia lege ti sarango aye ti sioni so mbi yeke tene tënë ni so, fade lo yeke ga tongana sembe so a bata ni ndali ti alango ti matanga, lo yeke ga tongana sembe so a zia ni nde titene wa ni asara na kua na ndembe so lo ye ti sara nzoni ye kue.

Efeze 2:10

Taa-tënë, Nzapa laa asara e; na gango so e ga oko na Jésus Christ, Nzapa aleke e titene e mu tere ti e kue ti sara anzoni ye so lo leke kozoni titene e sara.

Awatokua 9:36

Na gbata ti Zope, mbeni wali ayeke daa so ayeke disiple ti Jésus, iri ti lo ayeke Tabita. Iri ti lo na yanga ti greke ayeke Dorkas, nda ni atene “Dengbe”. Lo mu ngoi ti lo kue ti sara anzoni ye na azo, ti mu maboko na azo ti mawa.

Matthieu 26:10

Jésus ahinga tënë so adisiple ni ayeke tene si lo tene: “Ngbanga ti nyen si ala yeke so li ti wali so tongaso? Ye so lo sara na mbi so ayeke ye ti nzoni.

Tite 3:8

Tënë so ayeke taa-tënë. Mbi ye mo tene tënë na ndö ni ngangu si azo so ama na be na Nzapa azia be ti ala na sarango anzoni ye. So laa ayeke nzoni si azo alingbi ti wara ye daa.

Tite 2:7

ala sara tongaso na ya ti aye kue. Mo nga, mo duti tapande na lege ti sarango anzoni ye: mo fa ye na azo na legeni mbirimbiri, mo ne tere ti mo.

2 Timothée 3:17

si zo ti Nzapa akpengba, lo wara anzoni ye so kue alingbi titene lo sara na nzoni kua.

1 Timothée 6:18

Ayeke nzoni azo ti mosoro asara nzoni ye, ala ga azo ti mosoro na lege ti sarango anzoni ye, ala mu ye na azo, ala kanga maboko ti ala daa pepe, ala kangbi aye ti ala na amba ti ala.

1 Timothée 5:10

Alingbi azo ahinga lo ndali ti nzoni sarango ye ti lo: lo bata amolenge ti lo nzoni, lo yamba azo so aga na da ti lo nzoni, lo sukula gere ti azo ti Nzapa, lo mu maboko na azo so ayeke na ya ti pasi si lo mu ngangu ti lo ti sara anzoni ye nde nde.

2 Tesalonike 2:17

ti mu ngangu na be ti ala, ti sara si ala kpengba na ya ti aye so kue ala yeke sara, nga na lege ti atënë so ala yeke tene ti sara nzoni na azo!

Kolose 1:10

Tongaso, fade dutingo ti ala ayeke lingbi na ti so be ti *Kota Gbia aye si ala sara ye so anzere na be ti lo. Ye ti peko ni ayeke so ala yeke sara mara ti anzoni ye nde nde si hingango so ala hinga na Nzapa ayeke gue lakue na nduzu.

2 Korente 10:18

Taa nzoni zo ti kua ayeke zo so ayeke tene nzoni tënë na ndö ti lo wani pepe, me zo so Kota Gbia laa ayeke tene nzoni tënë na ndö ti lo.

2 Korente 9:8

Nzapa ayeke na ngangu ti mu na ala mara ti anzoni ye kue ahon ndoni. Tongaso, ala yeke na ye lakue so alingbi na ala si ala yeke nga na mbeni na ndö ni ti sara na anzoni kua kue.

Ésaïe 54:17

Aye ti bira so kue a leke ti tiri na ni na mo, alingbi ti sara ye oko na mo pepe. Zo so kue ayeke bi tënë na li ti mo na le ti ngbanga, mo yeke sara si ngbanga ati na li ti lo. Baa ye so mbi bata ndali ti azo ti kua ti mbi, KOTA GBIA laa. Baa lege so mbi yeke fâ ngbanga ti ala laa; so tënë ti yanga ti mbi KOTA GBIA laa.”

1 Pierre 2:12

Alingbi dutingo ti ala na popo ti azo ti amara nde ayeke nzoni. Tongaso, ataa so azo ni ayeke bi tënë na li ti ala atene, ala yeke azo ti sarango sioni, azo ni abaa nzoni sarango ye ti ala si ala gonda Nzapa na ndembe so lo yeke ga.

Marc 14:5

A lingbi fade ti ka yombo so na ale ti nginza ngbangbo ota ti mu nginza ni na azo ti mawa!” Tongaso ala kasa wali so mingi.

Marc 14:7

Azo ti mawa ayeke duti lakue na popo ti ala. Ala lingbi ti sara nzoni na ala na ya ti alango so kue be ti ala aye. Ti mbi, mbi yeke duti lakue na popo ti ala pepe.