Marc 14:31 - Mbeti ti Nzapa - Tënë so amu fini

³¹ Me Pierre angba gi na ndö ti tënë ti lo si lo tene: “Tongana ayeke titene mbi na mo, e kui, mbi yeke bere tënë ti mo oko pepe!” Ala kue atene gi oko tënë so.

Marc 14:31 Referans Kwoze

Jean 13:37

Pierre atene na lo: “Kota Gbia, ngbanga ti nyen si mbi lingbi ti mu peko ti mo fadeso pepe? Mbi yeke nduru ti ka fini ti mbi ndali ti mo!”

Sigingo 19:8

Azo kue ayeda yanga oko, atene: “Atënë so kue KOTA GBIA atene so, fade e yeke sara ye alingbi na ni.” Moïse akiri na peko ti tënë ti azo ni na KOTA GBIA.

Jérémie 17:9

“Be ti zo ayeke handa zo ahon tanga ti aye kue; zo alingbi ti kai kobela ni pepe. Zo wa laa alingbi ti hinga be ti zo?”

Jérémie 10:23

KOTA GBIA, mbi hinga, zo ayeke makonzi na ndö ti lege ti lo wani pepe; zo so ayeke tambula na lege, lo yeke makonzi na ndö ti tambula ti lo pepe.

Amato 29:23

Kuru baba ti zo asara si azo abaa lo tongana kete zo; me zo so asara tere ti lo kete, azo ayeke gonda lo.

Amato 18:24

Zo so ayeke na gba ti akamarade, ye so alingbi ti ga kota kungba na ndö ti lo; me taa kamarade ayeke sara na mo ahon ita ti mo.

Amato 16:18

Kuru baba ayeke gue na zo titene lo baa sioni; zo so abaa mba ti lo tongana senge zo, lo yeke gue ti ti.

2 Agbia 8:13

Hazael atene: “Mbi zo ti kua ti mo, mbi so mbi yeke ti mbi mbo so, fade mbi yeke sara akota ye tongaso tongana nyen?” Élisée akiri tënë: “KOTA GBIA afa na mbi atene, fade mo yeke ga gbia ti sese ti Sirii.”

Abia (Psaumes) 30:6

Ngonzo ti lo ayeke ninga gi kete, me lo yeke sara nzoni be na zo na lango ti fini ti zo ni kue. Na lakui, azo angba ti toto, me na ndaperere, ala yeke dekongo na ngia.

Matthieu 10:33

Me zo so abere tënë ti mbi na le ti azo, fade mbi nga, mbi yeke bere tënë ti lo na le ti Babâ ti mbi so ayeke na yayu.”

Marc 14:30

Jésus akiri tënë na lo: “Mbi tene na mo taa-tënë: laso, gi na bi so, kozo titene koli-kondo atoto fani use, fade mo yeke bere tënë ti mbi fani ota.”

Marc 14:32

Na pekoni, ala si na mbeni ndo so iri ni Getsemane; Jésus atene na adisiple ti lo: “Ala duti na ndo so, mbi yeke gue ti sambela.”

Nzoni Tënë so Luc asu na mbeti 23:23

Me ala ngba gi na ndö ti tënë ni si ala yeke dekongo titene lo fâ gi Jésus fango na ndö ti keke ti kroa; dekongo ti ala ni ahon ndö ti lo.

1 Agbia 11:22

Faraon ahunda Hadad, atene: “Nyen laa atia mo na tere ti mbi ge, nyen? Mo ye ti kiri na kodro ti mo ngbanga ti nyen?” Hadad akiri tënë na lo: “Ye oko pepe! Me mo zia na mbi lege, mbi gue si.”

Marc 10:39

Ala kiri tënë na lo: “E lingbi ti nyon ni.” Jésus atene na ala: “Biani, fade ala yeke nyon kopo so mbi yeke nyon si ala yeke wara bateme so mbi yeke wara.